ଲକ୍ଷ୍ମୀପୁର ଖେରୀ ମାମଲା: ମୁଖ୍ୟ ଅଭିଯୁକ୍ତ ଆଶିଷ ମିଶ୍ରଙ୍କ ମିଳିଲା ଜାମିନ
ଲକ୍ଷ୍ନୌ: ଲକ୍ଷ୍ମୀପୁର ଖେରୀ ମାମଲାରେ ମୁଖ୍ୟ ଅଭିଯୁକ୍ତ ଆଶିଷ ମିଶ୍ରଙ୍କୁ ଶୀଘ୍ର ଜେଲରୁ ମୁକ୍ତ କରାଯିବ। କେନ୍ଦ୍ର ଗୃହମନ୍ତ୍ରୀ ଅଜୟ ମିଶ୍ରଙ୍କ ପୁଅ ଆଶିଷଙ୍କୁ ହାଇକୋର୍ଟର ଲକ୍ଷ୍ନୌ ବେଞ୍ଚ୍ ଆଜି ଜାମିନ ପ୍ରଦାନ କରିଛି।
ଜଷ୍ଟିସ ରାଜୀବ ସିଂଙ୍କ ଖଣ୍ଡପୀଠ ଏହି ନିର୍ଦ୍ଦେଶ ଦେଇଛନ୍ତି। ଜାନୁଆରୀ ୧୮ରେ ଆଶିଷ ମିଶ୍ରଙ୍କ ଜାମିନ ଆବେଦନର ଶୁଣାଣି ପରେ ଲକ୍ଷ୍ନୌ ବେଞ୍ଚ୍ ରାୟ ସଂରକ୍ଷିତ ରଖିଥିଲା | ଗତ ବର୍ଷ ଅକ୍ଟୋବର ୩ରେ ଲକ୍ଷ୍ମୀପୁର ଖେରୀରେ ଜିଲ୍ଲାର ତିକୋନିୟା ଗ୍ରାମରେ ଆଶିଷ ମିଶ୍ର ବିକ୍ଷୋଭ ପ୍ରଦର୍ଶନ କରୁଥିବା ଚାଷୀଙ୍କୁ ଜିପ୍ ମଡାଇ ହତ୍ୟା କରିଥିବା ଅଭିଯୋଗ ହୋଇଥିଲା।
ମାମଲାର ଯାଞ୍ଚ୍ କରୁଥିବା ଏସଆଇଟି ରିପୋର୍ଟରେ ଏହି ଘଟଣା ଏକ ଯୋଜନାବଦ୍ଧ ଷଡ଼ଯନ୍ତ୍ର ବୋଲି କୁହାଯାଇଥିଲା । ଏହା ପରେ ଏସଆଇଟି ୫୦୦୦୦ ପୃଷ୍ଠାର ଚାର୍ଜସିଟ ଦାଖଲ କରିଥିଲା ଯେଉଁଥିରେ ଆଶିଷ ମିଶ୍ରଙ୍କୁ ମୁଖ୍ୟ ଅଭିଯୁକ୍ତ କରାଯାଇଥିଲା। ଏହି ଘଟଣାରେ ଆଶିଷ ମିଶ୍ରଙ୍କ ସମେତ ୧୬ ଜଣଙ୍କୁ ଅଭିଯୁକ୍ତ ଭାବେ ଦର୍ଶାଇଛି ଏସ୍ଆଇଟି।
