ବିପୁଳ ପରିମାଣର ବ୍ରାଉନସୁଗାର ଜବତ, ଜଣେ ମହିଳା ଗିରଫ
ଖୋର୍ଦ୍ଧା : ଦିନକୁ ଦିନ ରାଜ୍ୟରେ ଧଳା ଜହର କାରବାର ବଢିବାରେ ଲାଗିଛି । ରାଜ୍ୟରୁ ପ୍ରତିଦିନ କୋଟି କୋଟି ଟଙ୍କାର ବ୍ରାଉନ ସୁଗାର ଜବତ ହେଉଛି । ଯାହାକି ଅବକାରୀ ବିଭାଗ ପାଇଁ ଏକ ବଡ ଚ୍ୟାଲେଞ୍ଜ ସୃଷ୍ଟି କରିଛି । ଏହି ପରିପ୍ରେକ୍ଷୀରେ ଆଜି ପୁଣି ଖୋର୍ଦ୍ଧା ବରୁଣେଇ ନଗରରୁ ବିପୁଳ ପରିମାଣର ବ୍ରାଉନସୁଗାର ଜବତ୍ କରିଛି ଅବକାରୀ ବିଭାଗ ।
ସୂଚନା ଅନୁସାରେ ଏହି ଅଞ୍ଚଳରେ ଧଳାଜହର କାରବାରର ସୂଚନା ପାଇ ଅବକାରୀ ବିଭାଗ ଦ୍ୱାରା ଚଢାଉ କରାଯାଇଥିଲା ଓ ପ୍ରାୟ ୧୮୦ ଗ୍ରାମର ବ୍ରାଉନସୁଗାର ଜବତ୍ କରାଯାଇଛି । ତେବେ ଏହି ମାମଲାରେ ଜଣେ ମହିଳାଙ୍କୁ ଗିରଫ କରାଯାଇଛି । ଜବତ୍ ହୋଇଥିବା ବ୍ରାଉନସୁଗାରର ଆନୁମାନିକ ବଜାର ମୂଲ୍ୟ ୧୮ ଲକ୍ଷ ଟଙ୍କାରୁ ଉର୍ଦ୍ଧ୍ୱ ହେବ ବୋଲି ସୂଚନା ମିଳିଛି ।
