ବିପୁଳ ପରିମାଣର ବିଦେଶୀ ମଦ ଜବତ, ଜଣେ ଗିରଫ
ବ୍ରହ୍ମପୁର : ଗଞ୍ଜାମ ଜିଲ୍ଲାପାଳ ବିଜୟ ଅମୃତ କୁଲାଙ୍ଗେ ଏବଂ ଅବକାରୀ ଅଧିକ୍ଷକଙ୍କ ନିର୍ଦ୍ଦେଶ କ୍ରମେ ଆସିକା ଅବକାରୀ ବିଭାଗ ଆଇଆଇସି ଧିରେନ କୁମାର ବେହେରାଙ୍କ ଉପସ୍ଥିତିରେ ବଡ଼ଗଡ଼ ପୋଲିସ ପକ୍ଷରୁ ହରିପୁର ଗ୍ରାମରେ ଚଢାଉ କରାଯାଇଥିଲା । ସେଠାରେ ବିପୁଳ ପରିମାଣର ବିଦେଶୀ ମଦ, ସ୍ପିରିଟ, ଖାଲି ମଦ ବୋତଲ ସହ ବିଭିନ୍ନ କମ୍ପାନୀର ମଦର ଲେବେଲ ଜବତ କରାଯାଇଥିବା ଜଣାପଡ଼ିଛି ।
ଜବତ ହୋଇଥିବା ମଦ ମଧ୍ୟରେ ୧୭୨ ଲିଟରରୁ ଉର୍ଦ୍ଧ୍ୱ ବିଭିନ୍ନ ବ୍ରାଣ୍ଡର ବିଦେଶୀ ମଦ, ୧୫୬ ଲିଟର ବିଅର ଜବତ କରିବା ସହ ଜଣେ ଅଭିଯୁକ୍ତଙ୍କୁ ଗିରଫ କରାଯାଇଛି । ଗିରଫ ଜଣକ ହେଲେ ଉକ୍ତ ଅଞ୍ଚଳର ରାଧାମୋହନ ସାହୁ । ଚଢାଉରେ ଅବକାରୀ ଗୁଇନ୍ଦା ସଂସ୍ଥା ଆଇଆଇସି ହୃଦାନନ୍ଦ ସାମନ୍ତ, ଏସଆଇ ସୁଦର୍ଶନ ବିଶୋୟୀ, ଅବକାରୀ ଏସ୍ଆଇ ବିଶ୍ୱନାଥ ଦାସଙ୍କ ସମତେ ଅବକାରୀ ବିଭାଗ କର୍ମଚାରୀ ଏବଂ ବଡ଼ଗଡ଼ ପୋଲିସ କର୍ମଚାରୀ ଉପସ୍ଥିତ ରହିଥିଲେ ।
