ଓଟିଟିରେ ଡେବ୍ୟୁ କରିବେ କରୀନା କପୁର, ସୋସିଆଲ ମିଡିଆରେ ଦେଲେ ସୂଚନା
ମୁମ୍ବାଇ: ବର୍ତ୍ତମାନ ଡିଜିଟାଲ ପ୍ଲାଟଫର୍ମରେ ଡେବ୍ୟୁ କରିବେ କରୀନା କପୁର । ଏନେଇ କରୀନା ସୋସିଆଲ ମିଡିଆରେ ପୋଷ୍ଟ କରି ସୂଚନା ଦେଇଛନ୍ତି । ଏହି ପ୍ରୋଜେକ୍ଟରେ କରୀନା ପାତାଳ ଲୋକ ଫେମ୍ ଜୟଦୀପ ଅହଲୱାତଙ୍କ ସହ କାମ କରିବେ । ସେ ତାଙ୍କର ନୂଆ ପ୍ରୋଜେକ୍ଟ ପାଇଁ ପ୍ରସ୍ତୁତି ଆରମ୍ଭ କରିଛନ୍ତି । ଯାହାର ଭିଡିଓ ସୋସିଆଲ ମିଡିଆରେ ସେୟାର କରିଛନ୍ତି । ତାଙ୍କର ଏହି ଫିଲ୍ମ ନେଟଫ୍ଲିକ୍ସରେ ରିଲିଜ ହେବ । କରୀନା ଏବଂ ଜୟଦୀପଙ୍କ ସହ ବିଜୟ ବର୍ମା ଏହି ଫିଲ୍ମରେ ମୁଖ୍ୟ ଭୂମିକାରେ ନଜର ଆସିବେ । ଏହି ଫିଲ୍ମର ନିର୍ଦ୍ଦେଶନା ଦେଉଛନ୍ତି ସୁଜୟ ଘୋଷ ।
