କଲରାପତରିଆ ବାଘ ଓ ଛୁଆ ମୃତ, କାରଣ ଅସ୍ପଷ୍ଟ
ଅନୁଗୁଳ : କଲରାପତରିଆ ବାଘ ଓ ତା’ ଛୁଆର ମୃତ୍ୟୁ ହୋଇଛି। କିନ୍ତୁ ମୃତ୍ୟୁର କାରଣ ଜଣାପଡ଼ି ନାହିଁ। ଏପରି ଦୁଃଖଦ ଖବର ଆସିଛି ସାତକୋଶିଆ ବନ୍ୟପ୍ରାଣୀ ବନଖଣ୍ଡ ପମ୍ପାସର ରେଞ୍ଜର ଜଗନ୍ନାଥପୁର ବିଟରୁ। ଅନୁଗୁଳ ଆର୍ସିସିଏଫ୍ ଏମ.ଯୋଗାନନ୍ଦା ଏନେଇ ସୂଚନା ଦେଇଛନ୍ତି।
କେଉଁ କାରଣରୁ ବାଘ ଓ ତା’ ଛୁଆର ମୃତ୍ୟୁ ହୋଇଛି? ତାହା ବର୍ତ୍ତମାନ ସୁଦ୍ଧା ଜଣାପଡ଼ି ନାହିଁ। ଆର୍ସିସିଏଫ୍ ଓ ବନ ବିଭାଗର ଅଧିକାରୀମାନେ ବାଘ ଓ ଶାବକର ସାମ୍ପୁଲ ସଂଗ୍ରହ କରି ଓୟୁଏଟିକୁ ପଠାଇଛନ୍ତି। ସେଠାରୁ ରିପୋର୍ଟ ଆସିବା ପରେ ମୃତ୍ୟୁର ପ୍ରକୃତ କାରଣ ଜଣାପଡ଼ିବ ବୋଲି ଆରସିସିଏଫ ଏମ.ଯୋଗାନନ୍ଦା କହିଛନ୍ତି।
