ଜସନେ ଗୌସ-ଇ ଆଜାମ ସମ୍ମିଳନୀ
ରୂପସା : ବାଲେଶ୍ୱର ଜିଲା ରୂପସା ଥାନା ଅନ୍ତର୍ଗତ ଲଛମନଖୁଣ୍ଟା ଗ୍ରାମରେ ମଙ୍ଗଳବାର ପୀର ବାବାଙ୍କ ଜସନେ ଗୌସ-ଇ ଆଜାମ ସମ୍ମିଳନୀ ଅନୁଷ୍ଠିତ ହୋଇଯାଇଛି । ଏଥିରେ ବିଶିଷ୍ଟ ଶିଳ୍ପପତି ତଥା ଯୁବ ସମାଜସେବୀ ଅବଦୁଲ ଅମିନ ଖାନ ଅଧ୍ୟକ୍ଷତା କରିଥିଲେ । ମୁଖ୍ୟ ଅତିଥି ଭାବେ ଜର୍ମାନରୁ ସେକ ଆସରାଫ ଆଫନ୍ଦୀ ଓ ମୁଖ୍ୟ ବକ୍ତା ଦିଲୀରୁ ସୟଦ ଜାଭେଦ ନକ୍ସ ବନ୍ଦୀ ଯୋଗ ଦେଇ ତକରିର ଓ ଧର୍ମ ବାଣୀ ଶୁଣାଇଥିଲେ । ସମ୍ମାନୀତ ଅତିଥି ଆରବରୁ ସୟଦ ଉମାସକ୍ଷ, ତୁର୍କୀରୁ ହାଜୀ ଫାରୁକ, ଦିଲୀରୁ ୱାସିବ ଅଲ୍ଲୀ, ଆମଝେରରୁ ସରଫୁଦ୍ଦିନ ନାୟର କାଦ୍ରୀ, ଓଡ଼ିଶାରୁ ସୟଦ ଇର୍ସାଦ ଅର୍ଜୁ, ଭଦ୍ରକରୁ ଗୁଲଫାମ ଓ ସେହବାଜ, ବାଲେଶ୍ୱରରୁ ନାସିମ ଅହେମ୍ମଦ ଏବଂ ଏମ ଗୋଲାମ ହାଇଦର ପ୍ରମୁଖ ମଞ୍ଚାସୀନ ହୋଇ ନାତସରିଫ, କବିତା ପାଠ, କୋରାନ ପାଠ ସାଙ୍ଗକୁ ପ୍ରବଚନ ଶୁଣାଇ ଥିଲେ । ବିଭିନ୍ନ ଜିଲାରୁ ପ୍ରବଳ ଜନ ସମାଗମ ହୋଇଥିଲା । ଶେଷରେ ଯୁବ ଉଦ୍ୟୋଗୀ ସଲିମ ଖାନ ଧନ୍ୟବାଦ ଅର୍ପଣ କରିଥିଲେ ।
