ବକ୍ସ ଅଫିସରେ ଜଲୱା ଦେଖାଇଲା ଫିଲ୍ମ ‘୮୩’! ପ୍ରଥମ ଦିନରେ ୨୪.୪୩ କୋଟି ରୋଜଗାର
ମୁମ୍ବାଇ : ରିଲିଜ ହୋଇଛି ରଣବୀର ସିଂଙ୍କ ବହୁପ୍ରତିକ୍ଷିତ ଫିଲ୍ମ ‘୮୩’ । ଏଥିରେ ରଣବୀର କିମ୍ବଦନ୍ତୀ କ୍ରିକେଟର କପିଳଦେବଙ୍କ ଭୂମିକାରେ ନଜର ଆସିଛନ୍ତି । ଫିଲ୍ମ ଶୁକ୍ରବାର ରିଲିଜ ହୋଇଥିବାବେଳେ ପ୍ରଥମ ଦିନରେ ୨୪.୪୩ କୋଟି ଟଙ୍କା ରୋଜଗାର କରିଛି । ଏହି ଫିଲ୍କକୁ ଦର୍ଶକ ପସନ୍ଦ କରିଥିବା ଦେଖିବାକୁ ମିଳିଛି ।
ଏହି ଫିଲ୍ମକୁ ନିର୍ଦ୍ଦେଶକ କବୀର ଖାନ ନିର୍ଦ୍ଦେଶନା ଦେଇଥିବାବେଳେ ରଣବୀରଙ୍କ ସହିତ ପତ୍ନୀ ଦୀପିକା ପାଦୁକୋନ କପିଳଙ୍କ ପତ୍ନୀଙ୍କ ଭୂମିକାରେ ନଜର ଆସିଛନ୍ତି । ଏଥିରେ ୧୯୮୩ ଭାରତର ଐତିହାସିକ ବିଶ୍ବକପ ସମ୍ପର୍କରେ ମଧ୍ୟ ଦେଖାଯାଇଛି । ରିଲାଏନ୍ସ ଏଣ୍ଟରଟେନମେଣ୍ଟର ରିପୋର୍ଟ ଅନୁସାରେ ଫିଲ୍ମ ପ୍ରତ୍ୟେକ ଭାଷାରେ ରିଲିଜ ହୋଇଥିବାବେଳେ ୧୨.୬୪ କୋଟି ରୋଜଗାର କରିଛି ଏବଂ ୧୧.୭୯ କୋଟି ଓଭରସିଜ ମାର୍କେଟରେ ରୋଜଗାର କରିଥିବା ଜଣାପଡ଼ିଛି । ରଣବୀର ଦୀପିକାଙ୍କ ସହିତ ଏଥିରେ ଅନ୍ୟ କଳାକାର ଭାବେ ପଙ୍କଜ ତ୍ରିପାଠୀ, ତାହିର ରାଜ ଭସିନ, ଜିଭା, ସକିବ ସଲିମ, ଜତିନ ସରନା, ଚିରାଗ ପାଟିଲ, ଡିଙ୍କର ପ୍ରମୁଖ ନଜର ଆସିଛନ୍ତି ।
