ଆଇଏସ୍ଏଲ୍-୨୦୨୨ : ଏସ୍ସି ଇଷ୍ଟ୍ ବେଙ୍ଗଲକୁ ଭେଟିବ ଓଡ଼ିଶା ଏଫ୍ସି
ଗୋଆ : ଚଳିତ ଆଇଏସ୍ଏଲ୍ ଫୁଟ୍ବଲ୍ ପ୍ରତିଯୋଗିତାରେ ସୋମବାର ଏସ୍ସି ଇଷ୍ଟ୍ ବେଙ୍ଗଲକୁ ଭେଟିବ ଓଡ଼ିଶା ଏଫ୍ସି। ତିଲକ ମୈଦାନରେ ଖେଳାଯିବାକୁ ଥିବା ଇଷ୍ଟ୍ ବେଙ୍ଗଲ ବିପକ୍ଷ ମ୍ୟାଚ୍ ଜିତି ସେମିଫାଇନାଲ୍ ଆଶା ଉଜ୍ଜୀବିତ ରଖିବା ଲାଗି ପ୍ରଶିକ୍ଷକ କିନୋ ଗାର୍ସିଆ ଦଳ ପଡ଼ିଆକୁ ଓହ୍ଲାଇବ। ସୂଚନା ଯେ, ଓଡ଼ିଶା ଏଫ୍ସି ଦଳ ନିଜ ଶେଷ ୩ ମ୍ୟାଚ୍ରେ ବିଜୟ ଶୂନ୍ୟ ରହିଛି।
ସମ୍ପ୍ରତ୍ତି ଓଡ଼ିଶା ଏଫ୍ସି ୧୪ ମ୍ୟାଚ୍ ଖେଳି ୫ ବିଜୟ, ୩ ଅମୀମାଂସିତ ଓ ୬ ପରାଜୟରୁ ୧୮ ପଏଣ୍ଟ୍ ପାଇ ଟେବୁଲର ଅଷ୍ଟମ ସ୍ଥାନରେ ରହିଛି। ଚଳିତ ଆଇଏସ୍ଏଲ୍ରେ ଇଷ୍ଟ୍ ବେଙ୍ଗଲ ବିପକ୍ଷ ପ୍ରଥମ ମ୍ୟାଚ୍କୁ ଓଡ଼ିଶା ଏଫ୍ସି ୬-୪ ଗୋଲ୍ରେ ଜିତିଥିଲା। ତେଣୁ ଏହି ମ୍ୟାଚ୍ରେ ଓଡ଼ିଶା ଆଗରେ ରହିବାର ଆଶା ରହିଛି। ଅନ୍ୟପକ୍ଷରେ ଇଷ୍ଟ ବଙ୍ଗେ ୧୫ ମ୍ୟାଚ୍ ଖେଳି ୧ ବିଜୟ ଏବଂ ୭ ଲେଖାଏଁ ପରାଜୟ ଓ ଅମୀମାଂସିତରୁ ୧୦ ପଏଣ୍ଟ୍ ପାଇ ଟେବୁଲର ଦଶମ ସ୍ଥାନରେ ରହିଛି। କେବଳ ଏହି ଦଳ ଏଫ୍ସି ଗୋଆକୁ ପରାସ୍ତ କରିବାକୁ ସକ୍ଷମ ହୋଇଛି। ହେଲେ ଗତ ମ୍ୟାଚ୍ରେ ଚେନାୟିନ୍ ଏଫ୍ସି ବିପକ୍ଷରେ ଅମୀମାଂସିତ ରଖିଥିବାରୁ ଦଳର ମନୋବଳ ଦୃଢ଼ ରହିଛି।
