ଆଇଏସଏଲ ୨୦୨୧-୨୨ : ନର୍ଥଇଷ୍ଟ ୟୁନଇଟେଡ୍କୁ ୧-୦ ଗୋଲ୍ରେ ହରାଇଲା ଓଡିଶା ଏଫସି
ଦମଦାର ବିଜୟ ସହ ପଏଣ୍ଟ ଟେବୁଲର ଦ୍ବିତୀୟରେ ଓଡ଼ିଶା
ହାଇଦ୍ରାବାଦ: ଇଣ୍ଡିଆନ ସୁପର ଲିଗ୍ (ଆଇଏସଏଲ)ରେ ଓଡିଶା ଏଫସିର ଦମଦାର ବିଜୟ । କେରଳ ବ୍ଳାଷ୍ଟର ଠାରୁ ଗତ ମ୍ୟାଚ୍ରେ ପରାଜୟ ପରେ ବିଜୟ ଟ୍ରାକ୍କୁ ଫେରିଲା ଓଡିଶା । ଶୁକ୍ରବାର ତିଳକ ମଇଦାନ ଗୋଆରେ ଖେଳାଯାଇଥିବା ଆଇଏସଏଲର ଏକ ଗୁରୁତ୍ବପୂର୍ଣ୍ଣ ମୁକାବିଲାରେ ଓଡିଶା ଏଫସି, ନର୍ଥଇଷ୍ଟ ୟୁନଇଟେଡ୍କୁ ୧-୦ ଗୋଲ୍ରେ ହରାଇଛି ।
ଏହି ବିଜୟ ସହ ପଏଣ୍ଟ ଟେବୁଲର ଦ୍ବିତୀୟ ସ୍ଥାନକୁ ଲମ୍ଫ ମାରିଛି ଟିମ ଓଡିଶା । ମୁମ୍ବାଇ ସିଟି ଏଫସି ୫ଟି ମ୍ୟାଚ୍ରୁ ୪ଟିରେ ବିଜୟ ସହ ୧୨ ପଏଣ୍ଟ ହାସଲ କରି ଟେବୁଲର ଶୀର୍ଷରେ ରହିଛି । ଓଡିଶା ୪ଟି ମ୍ୟାଚ୍ରୁ ୩ଟି ବିଜୟ ସହ ୯ ପଏଣ୍ଟ ହାସଲ କରି ଦ୍ବିତୀୟରେ ରହିଛି । ନର୍ଥଇଷ୍ଟ ୟୁନଇଟେଡ ବିପକ୍ଷ ମ୍ୟାଚ୍ କଡା ସଂଘର୍ଷପୂର୍ଣ୍ଣ ରହିଥିଲା । ଉଭୟ ଟିମ ମଧ୍ୟରେ ମ୍ୟାଚ୍ ଆମ୍ଭରୁ ତୀବ୍ର ପ୍ରତିନ୍ଦନ୍ଦ୍ବୀତା ଦେଖିବାକୁ ମିଳିଥିଲା । ତେବେ ଓଡିଶା ପାଇଁ ବିଜୟୀ ଗୋଲ୍ କରିଥିଲେ ଜୋନାଥନ କ୍ରୀଷ୍ଟିଆନ ।
