କୁଣ୍ଡଳୀରେ ଅଛି କି କାଳ ସର୍ପ ଦୋଷ? ପବିତ୍ର ନାଗପଞ୍ଚମୀ ଅବସରରେ କରନ୍ତୁ ଏହି ଉପାୟ

ଯଦି ଆପଣଙ୍କର ରାଶିରେ କୌଣସି ପ୍ରକାରର ସର୍ପ ଦୋଷ ଥାଏ ତେବେ ଏହା ଆପଣଙ୍କ ଜୀବନରେ ସମସ୍ୟା ଆଣିବା ସହ ଆପଣଙ୍କୁ ବିଭିନ୍ନ ଅସୁବିଧାରେ ପକାଇଥାଏ । ଆଜି ଆପଣଙ୍କୁ ଏ ବିଷୟରେ ବିସ୍ତୃତ ବିବରଣୀ କହିବାକୁ ଯାଉଛୁ । ରାହୁ ଏବଂ କେତୁର ଗୋଟିଏ ପାର୍ଶ୍ୱରେ ସମସ୍ତ ଗ୍ରହ ଆସିବା ପରେ ରାଶିରେ କାଳସର୍ପ ଦୋଷ ସୃଷ୍ଟି ହୋଇଥାଏ । ଏପରି ପରିସ୍ଥିତିରେ, ରାଶିଫଳର ସମସ୍ତ ଗ୍ରହ ଏହି ଦୁଇଟି ପୁରୁଷ ଗ୍ରହ କିମ୍ବା ଛାୟା ଗ୍ରହର ପ୍ରଭାବରେ ଆସଥାନ୍ତି । ବେଳେବେଳେ ଏପରି ମଧ୍ୟ ଘଟିଥାଏ ଯେ, ଅବଶିଷ୍ଟ ଗ୍ରହମାନେ ରାଶିରେ ଗତି କରୁଥିବାବେଳେ ଏହି ଦୁଇଟି ଗ୍ରହ ସବୁବେଳେ ପ୍ରତ୍ୟାବର୍ତ୍ତନ କରନ୍ତି । ଏପରି ପରିସ୍ଥିତିରେ, ରାହୁ ଏବଂ କେତୁ ରାଶିଫଳର ୧୨ ଟି ଘରେ ଉପସ୍ଥିତ ଥିବା ଅନୁଯାୟୀ, ଆପଣଙ୍କ ରାଶିରେ କାଳସର୍ପ ଦୋଷ ଲାଗିଥାଏ । କାରଣ ରାହୁଙ୍କୁ ସାପର ପାଟିର ନାମ ଏବଂ କେତୁଙ୍କୁ ସାପର ଲାଞ୍ଜର ନାମ ଦିଆଯାଇଛି।

ଜୋତିଷଙ୍କ ମତରେ ଆପଣଙ୍କ ରାଶିରେ ଏପରି ଯୋଗ ଥିଲେ ଆପଣ ମହାଦେବ ଶିବଶଙ୍କରଙ୍କୁ ସ୍ମରଣ କରିବା ଉଚିତ। ଏଥିସୋ ସୋମବାରରେ ପ୍ରଭୁ ଶିବଙ୍କର ବିଶେଷ ପୂଜା କରିବା ସହ ମନ୍ତ୍ର ଜପ କରିବା ଦ୍ୱାରା ଏହି ସମସ୍ୟାରୁ ମୁକ୍ତି ମିଳେ ବୋଲି କୁହାଯାଇଛି । କାରଣ ବିଶ୍ୱାସ ଅନୁସାରେ କେବଳ ଶିବ ଶମ୍ଭୁ ଭୋଲେନାଥ ହିଁ ଏହି କାଳ ସର୍ପ ଦୋଷରୁ ଆପଣଙ୍କୁ ମୁକ୍ତି ଦେଇପାରିବେ । ଏଭଳି ପରିସ୍ଥିତିରେ ଶ୍ରାବଣରେ ପଡୁଥିବା ନାଗପଞ୍ଚମୀ ଦିନ ଏହାର ବିଶେଷ ଉପାସନା ଏବଂ ଗୁରୁତ୍ୱ ବିଷୟରେ କୁହାଯାଇଛି । ଆପଣଙ୍କୁ କହିରଖୁଛୁ ଯେ, ଶ୍ରାବଣରେ ଦୁଇଟି ପଞ୍ଚମୀ ପଡିଥାଏ । ତନ୍ମଧ୍ୟରୁ ଗୋଟିଏ ଶୁକ୍ଲ ପକ୍ଷରେ ଏବଂ ଅନ୍ୟଟି କୃଷ୍ଣ ପକ୍ଷରେ। ଆପଣଙ୍କ ସୂଚନା ପାଇଁ କହିରଖୁଛୁ ଯେ, ଶୁକ୍ଲ ପକ୍ଷରେ ପଡୁଥିବା ନାଗପଞ୍ଚମୀ ଚଳିତ ବର୍ଷ ଅଗଷ୍ଟ ମାସ ୨୧ ତାରିଖରେ ପଡୁଛି ।

ପବିତ୍ର ନାଗପଞ୍ଚମୀ ଅବସରରେ ଭଗବାନ ଶିବଙ୍କ ନିକଟରେ ସ୍ୱତନ୍ତ୍ର ପୂଜାର୍ଚ୍ଚନା କରାଯାଇଥାଏ । ଭୋଲେନାଥଙ୍କ ଉପାସନା କରାଯିବା ସହିତ ନାଗ ଦେବତାଙ୍କୁ ମଧ୍ୟ ପୂଜା କରାଯାଇଥାଏ । ବର୍ଷକୁ ଥରୁଟିଏ ଉଜେନ ମହାକାଳ ମନ୍ଦିର ପ୍ରାଙ୍ଗଣରେ ଅବସ୍ଥିତ ନାଗଚନ୍ଦ୍ରଶ୍ୱରଙ୍କ ମନ୍ଦିର ମଧ୍ୟ ସର୍ବସାଧାରଣଙ୍କ ପାଇଁ ଖୋଲାଯାଏ । ଏହି ଦିନ ଅବସରରେ ଭାସୁକି, ଅନନ୍ତ, ପଦ୍ମ, ମହାପଦ୍ମାଙ୍କ ସମେତ ସମସ୍ତ ସର୍ପ ଦେବତାଙ୍କୁ ପୂଜା କରାଯାଇଥାଏ ।

ବିଶ୍ୱାସ ରହିଛି ଯେ, ପବିତ୍ର ନାଗ ପଞ୍ଚମୀରେ ସର୍ପ ଦେବତାଙ୍କୁ ପୂଜା କରିବା ଦ୍ୱାରା ସାପ ଭୟ (Snake fear)ରୁ ମୁକ୍ତି ମିଳିଥାଏ । ବିଶେଷ କରି ଯେଉଁମାନଙ୍କର ରାଶିରେ କାଳ ସର୍ପ ଦୋଷ ରହିଛି ସେମାନେ ଏହି ଦିନ ସାପକୁ ପୂଜା କରି ମହାପ୍ରଭୁ ଶିବ ଶଙ୍କରଙ୍କ ନିକଟରେ ଅଭିଷେକ କଲେ ରିଷ୍ଟ ଖଣ୍ଡନ ହୋଇଥାଏ । ରାଶି ନକ୍ଷତ୍ର ଚଳନ ଅନୁସାରେ ଚଳିତଥର ଅଗଷ୍ଟ ୨୧ ତାରିଖରେ ପଡୁଥିବା ନାଗପଞ୍ଚମୀ ଦିନ ଏକ ସ୍ୱତନ୍ତ୍ର ଯୋଗ ସୃଷ୍ଟି ହେଉଛି । ବିଶେଷ କରି ସୂର୍ଯ୍ୟ ଏବଂ ବୁଧଙ୍କ ଯୋଗରେ ବୁଦ୍ଧାଦିତ୍ୟ ଯୋଗ ସୃଷ୍ଟି ହୋଇଛି । ଏଭଳି ପରିସ୍ଥିତିରେ ଏହି ଦିନଟି ବିଶେଷ ଫଳପ୍ରଦ ବୋଲି ପଣ୍ଡିତମାନେ ବିବେଚନା କର଼ିଥାନ୍ତି ।

ବିଶ୍ୱାସ ରହିଛି ଯେ, ଏପରି ଯୋଗରେ କୌଣସି ଲୁହା ପାତ୍ରରେ ଖାଦ୍ୟ ରାନ୍ଧିବା ଉଚିତ ନୁହେଁ । ଏଥିସହ ଜମିରେ ହଳ କରିବା କିମ୍ୱା ମାଟି ଖୋଳିବା ମଧ୍ୟ ଅନୁଚିତ । ନାଗପଞ୍ଚମୀରେ ମହାଦେବଙ୍କ ରୁଦ୍ରାଭିଷେକ ସହିତ ନାଗ ଦେବତାଙ୍କ ମନ୍ଦିରରେ ପୂଜା କରିବା ଉଚିତ ବୋଲି ପଣ୍ଡିତମାନେ ମତବ୍ୟକ୍ତ କରିଛନ୍ତି ।