ଆଇପିଏଲ-୨୦୨୩ : ଟସ ଜିତି ପଞ୍ଜାବର ବୋଲିଂ ନିଷ୍ପତ୍ତି, ପ୍ରଥମେ ବ୍ୟାଟିଂ କରିବ ଦିଲ୍ଲୀ
ଧର୍ମଶାଳା : ଇଣ୍ଡିଆନ୍ ପ୍ରିମିୟର ଲିଗ୍ (ଆଇପିଏଲ)-୨୦୨୩ରେ ବୁଧବାର ଖେଳାଯିବ ୬୪ତମ ଲିଗ୍ ମୁକାବିଲା । ଧର୍ମଶାଳା ହିମାଚଳ ପ୍ରଦେଶ କ୍ରିକେଟ ଆସୋସିଏଶନ ଷ୍ଟାଡିୟମରେ ଖେଳାଯିବାକୁ ଥିବା ଏହି ମ୍ୟାଚରେ ପଞ୍ଜାବ କିଙ୍ଗ୍ସ ଘରୋଇ ଗ୍ରାଉଣ୍ଡ୍ରେ ଦିଲ୍ଲୀ କ୍ୟାପିଟାଲ୍ସକୁ ଭେଟିବ । ଏହି ମ୍ୟାଚରେ ଅଧିନାୟକ ଶିଖର ଧାଓ୍ବନ ଟସ୍ ଜିତି ବୋଲିଂ କରିବାକୁ ନିଷ୍ପତ୍ତି ନେଇଛନ୍ତି । ଫଳରେ ଆମନ୍ତ୍ରଣ ପାଇ ଦିଲ୍ଲୀ କ୍ୟାପିଟାଲ୍ସ ପ୍ରଥମେ ବ୍ୟାଟିଂ କରିବ।
ପ୍ଲେ ଅଫ ଦୃଷ୍ଟିରୁ ପଞ୍ଜାବ ପାଇଁ ଏହି ମ୍ୟାଚ ଅତ୍ୟନ୍ତ ଗୁରୁତ୍ୱପୂର୍ଣ୍ଣ। କାରଣ ଦିଲ୍ଲୀ ପୂର୍ବରୁ ଏଲିମିନେଟ ହୋଇ ସାରିଛି। ହେଲେ ଦିଲ୍ଲୀ ମଧ୍ୟ ମ୍ୟାଚ ଜିତି ନିଜ ସମ୍ମାନ ରଖିବାକୁ ଯଥାସମ୍ଭବ ଚେଷ୍ଟା କରିବ। ଉଭୟ ଦଳ ସିଜନରେ ନିଜର ୧୩ତମ ଲିଗ ମ୍ୟାଚ ଖେଳୁଛନ୍ତି। ୧୨ଟି ମ୍ୟାଚ୍ ଖେଳି ୧୨ ପଏଣ୍ଟ ହାସଲ କରିଥିବା ପଞ୍ଜାବ ପାଇଁ ଶେଷ ୨ଟି ମ୍ୟାଚ୍ କର ବା ମାର ପରିସ୍ଥିତି । ଦୁଇଟି ମ୍ୟାଚ ଜିତିଲେ ପ୍ଲେ-ଅଫରେ ପ୍ରବେଶ କରିବ ଦଳ ।
