ଆଇପିଏଲ-୨୦୨୨ : ଅଧିନାୟକ ଖୋଜୁଛି ଆରସିବି
ମୁମ୍ବାଇ : ଆଇପିଏଲ ନିଲାମି ସରିଲା । ବଡ ବଡ ଖେଳାଳିଙ୍କୁ କିଣିଛନ୍ତି ବିଭିନ୍ନ ଫ୍ରାଞ୍ଚାଇଜି । ତେବେ ଆରସିବି ଏବେ ଖୋଜୁଛି କ୍ୟାପ୍ଟେନ୍ । ବିରାଟ କୋହଲି ଇସ୍ତଫା ଦେବା ପରେ କିଏ ରୟାଲ ଚ୍ୟାଲେଞ୍ଜ ବେଙ୍ଗାଲୁରୁର ଅଧିନାୟକ ହେବ ସେନେଇ ଚର୍ଚ୍ଚା ଲାଗି ରହିଛି । କୁହାଯାଉଥିଲା ଯେ, ଅଷ୍ଟ୍ରେଲୀୟ କ୍ରିକେଟର ଗ୍ଲେନ୍ ମ୍ୟାକ୍ସଓ୍ୱେଲଙ୍କୁ ଦଳର ଅଧିନାୟକ କରାଯିବ ।
କିନ୍ତୁ ଏବେ ଆଉ ଏକ ନୂଆ ଚେହେରା ସାମ୍ନାକୁ ଆସିଛି । ଦକ୍ଷିଣ ଆଫ୍ରିକାର ପୂର୍ବ ଓପନର ଫାଫ୍ ଡୁପ୍ଲେସିସଙ୍କୁ ୭ କୋଟି ଟଙ୍କାରେ କିଣିଛି ଆରସିବି । ପୂର୍ବରୁ ସେ ଚେନ୍ନାଇ ସୁପର କିଙ୍ଗସ ପାଇଁ ଖେଳୁଥିଲେ । ସେ ସିଏସକେ ସହ ଦୀର୍ଘ ଦିନ ଧରି ରହିଥିଲେ । ପୂର୍ବତନ କ୍ରିକେଟର ଆକାଶ ଚୋପ୍ରାଙ୍କ କହିବାନୁସାରେ, ଡୁ ପ୍ଲେସିସଙ୍କୁ ଆରସିବି ଅଧିନାୟକ କରିପାରେ ।
