ଆଇପିଏଲ୍-୨୦୨୨ : ଆଜି ପଞ୍ଜାବ-ଲକ୍ଷ୍ନୌ ମୁକାବିଲା
ପୁଣେ : ଆଇପିଏଲ୍-୨୦୨୨ରେ ଶୁକ୍ରବାର ୪୨ତମ ଲିଗ ମ୍ୟାଚରେ ପଞ୍ଜାବ କିଙ୍ଗସ ଓ ଲକ୍ଷ୍ନୌ ସୁପରଜିଆଣ୍ଟ୍ସ ମୁକାବିଲା ଅନୁଷ୍ଠିତ ହେବ । ଇତିମଧ୍ୟରେ ପଞ୍ଜାବ ୮ଟି ମ୍ୟାଚ ଖେଳି ୪ଟି ଜିତି ୮ ପଏଣ୍ଟ ସହ ଟେବୁଲ ସପ୍ତମ ସ୍ଥାନରେ ରହିଛି ପଞ୍ଜାବ । ଆଜିର ମ୍ୟାଚକୁ ଜିତି ଦଳ ପାଇଁ ଷଷ୍ଠ ସ୍ଥାନକୁ ଉଠିବାର ସୁଯୋଗ ରହିଛି । ସେହିପରି ଲକ୍ଷ୍ନୌ ମୋଟ ୮ଟି ମ୍ୟାଚରୁ ୫ଟି ଜିତି ମୋଟ ୧୦ ପଏଣ୍ଟ ସହ ପଏଣ୍ଟ ଟେବୁଲର ଚତୁର୍ଥ ସ୍ଥାନରେ ରହିଛି । ଆଜିର ମ୍ୟାଚ ଜିତି ତୃତୀୟକୁ ଉଠିବ ବୋଲି ଆଶା ରଖିଛି।
ଆଜିର ମ୍ୟାଚରେ ପଞ୍ଜାବ ଦମଦାର ବ୍ୟାଟିଂ ଶୃଙ୍ଖଳିତ ବୋଲିଂ ମୁଖ୍ୟ ଆକର୍ଷଣ ସାଜିବ । ପୂର୍ବରୁ କେ.ଏଲ ରାହୁଲ ପଞ୍ଜାବ କିଙ୍ଗସର ଅଧିନାୟକ ଥିଲେ । ଏଥର ସୁପରଜିଆଣ୍ଟ୍ସର ନେତୃତ୍ବ ନେଉଛନ୍ତି । ପୂର୍ବ ଦୁଇ ମ୍ୟାଚରେ ସେ ଦମଦାର ଶତକ ହାସଲ କରିଛନ୍ତି । ଆଜିର ମ୍ୟାଚରେ ମଧ୍ୟ କିଛି ବଡ ଇନିଂସ ଖେଳି ପାରନ୍ତି । ତାଙ୍କୁ ରୋକିବାକୁ ହେଲେ ପଞ୍ଜାବ ବୋଲରଙ୍କୁ କିଛି କମାଲ କରିବାକୁ ପଡିବ । ମୟଙ୍କ ନେତୃତ୍ବରେ ଦଳ ଆଜିର ମ୍ୟାଚ ଜିତିବାକୁ କୌଣସି ସୁଯୋଗ ହାତଛଡା କରିବ ନାହିଁ । ସେପଟେ ଲକ୍ଷ୍ନୌ ମଧ୍ୟ ଫୁଲ ପ୍ରସ୍ତୁତରେ ରହିଛି । ଧାୱନଙ୍କୁ ବ୍ୟାଟଂରେ ବ୍ରେକ ଦେବାକୁ ସୁପରଜିଆଣ୍ଟ୍ସ ଚାମିରଙ୍କୁ ପ୍ରୟୋଗ କରିବ । ପୂର୍ବରୁ ଧାୱନଙ୍କୁ (ଅନ୍ତର୍ଜାତୀୟ କ୍ରିକେଟ) 2ଥର ଆଉଟ କରିଛନ୍ତି । ଆଜି ଲକ୍ଷ୍ନୌ ଏକାଦଶରେ ମନୀଷ ପାଣ୍ଡେ ସାମିଲ ହୋଇପାରନ୍ତି । ରାହୁଲଙ୍କ ଉପରେ ନଜର ରହିବ । ମୁମ୍ବାଇ ବିପକ୍ଷରେ 2ଟି ଶତକ ଅର୍ଜନ କରିଛନ୍ତି ରାହୁଲ । ରାହୁଲ ସଫଳ ହେଲେ ଦଳ ପାଇଁ ବିଜୟ ସହଜ ହେବ ।
