ଆନ୍ତ ମହାବିଦ୍ୟାଳୟ ମହିଳା ଫୁଟବଲ ପ୍ରତିଯୋଗୀତା ଖୁଣ୍ଟା ଡିଗ୍ରୀ ମହାବିଦ୍ୟାଳୟ ଚମ୍ପିୟାନ
ବାରିପଦା : ରାଗଧା ସ୍ଥିତ ଶ୍ରୀରାମ ଚନ୍ଦ୍ର ଭଂଜ ଡିଗ୍ରୀ ମହାବିଦ୍ୟାଳୟରେ ମହାରାଜା ଶ୍ରୀରାମଚନ୍ଦ୍ର ଭଂଜଦେଓ ବିଶ୍ୱବିଦ୍ୟାଳୟ ପକ୍ଷରୁ ଆୟୋଜିତ ଆନ୍ତ ମହାବିଦ୍ୟାଳୟ ସ୍ତରୀୟ ମହିଳା ଫୁଟବଲ ପ୍ରତିଯୋଗୀତା ଅନୁଷ୍ଠିତ ହୋଇଯାଇଛି । ଏହି ପ୍ରତିଯୋଗୀତାରେ ମୋଟ ୮ଟି ମହାବିଦ୍ୟାଳୟର ମହିଳା ଫୁଟବଲ ଟିମ ଅଂଶଗ୍ରହଣ କରିଥିବା ବେଳେ, ଖୁଂଟା ଡିଗ୍ରୀ ମହାବିଦ୍ୟାଳୟ ଟିମ ଚମ୍ପିୟନ, ମହାରାଜପୁର ସ୍ଥିତ ମୟୂରଭଂଜ କଲେଜଅଫ ଏକାଉଟେନସି ଏଣ୍ଡ ମେନେଜମେଂଟ ଟିମ ରନର୍ସଅପ ଏବଂ ରାଗଧା ଏସସିବି ଡିଗ୍ରୀ କଲେଜ ତୃତୀୟ ସ୍ଥାନ ଅଧିକାର କରିଥିବାର ଜଣାଯାଇଛି । ଏସସିବି ଡିଗ୍ରୀ କଲେଜର ଅଧ୍ୟକ୍ଷା ଅସୀମା ସାହୁ ଏହି ମହିଳା ଫୁଟବଲ ଟୁର୍ଣ୍ଣାମେଂଟକୁ ଆନୁଷ୍ଠାନିକ ଭାବେ ଉଦଘାଟନ କରିଥିବା ବେଳେ, ଉଦଯାପନୀ ଉତ୍ସବରେ ସୁରେଇଡିହି ସରପଂଚ ସୁମତି ହେମ୍ବ୍ରମ, ଏମସିଏଏମ କଲେଜ ର ଅଧ୍ୟକ୍ଷ ପ୍ରଦୀପ କୁମାର ନାୟକ, ଉପାଧ୍ୟକ୍ଷା ସଂଘମିତ୍ରା ରାଉତ, ଖୁଂଟା ଡିଗ୍ରୀ କଲେଜର ଅଧ୍ୟକ୍ଷ ସରୋଜ ରଂଜନ ତ୍ରିପାଠୀ ପ୍ରମୁଖ ଅତିଥି ଭାବରେ ଯୋଗଦେଇ ମହିଳା ଖେଳାଳୀ ମାନଙ୍କୁ ଉତ୍ସାହିତ କରିଥିଲେ । ପିଇଟି ଧନଂଜୟ ତ୍ରିପାଠୀଙ୍କ ପ୍ରତକ୍ଷ୍ୟ ତତ୍ୱାବଧାନରେ ଜାତୀୟ ସ୍ତର ର ରେଫ୍ରି ବାସନ୍ତି ମାଝି, ଅସୀତ ପାଲ, କାଳି ଚରଣ ସାମଲ, ଅଜୀତ ଡୁଗାଲ, ସଦାନନ୍ଦ ସାହୁ ପ୍ରମୁଖ ଖେଳ ପରିଚାଳନା କରିଥିଲେ । ବିଶ୍ୱ ବିଦ୍ୟାଳୟ ସ୍ପର୍ଟ୍ସ କାଉନସିଲ ନୀରିକ୍ଷକ ଭାବରେ ପିଇଟି ପ୍ରଦୀପ୍ତ ରଂଜନ ଦାଶ ଯୋଗ ଦେଇଥିଲେ । ଏସସିବି ଡିଗ୍ରୀ କଲେଜର ସମସ୍ତ କର୍ମଚାରୀ ଏବଂ ସ୍ୱେଚ୍ଛାସେବୀ ମାନେ ସମସ୍ତ କାର୍ଯ୍ୟରେ ସହଯୋଗ କରିଥିଲେ ।
