ଖୁବଶୀଘ୍ର ନିର୍ବନ୍ଧ କରିବାକୁ ଯାଉଛନ୍ତି ଇଣ୍ଡିଆନ୍ ଆଇଡଲ ଫେମ୍ ପବନ୍ଦୀପ ଓ ଅରୁଣିତା!
ମୁମ୍ବାଇ : ଖୁବଶୀଘ୍ର ନିର୍ବନ୍ଧ କରିବାକୁ ଯାଉଛନ୍ତି ଇଣ୍ଡିଆନ୍ ଆଇଡଲ ୧୨ର ବିଜେତା ପବନଦୀପ ରାଜନ୍ ଓ ଶୋ’ର ପ୍ରଥମ ରନର୍ସ ଅପ୍ ଅରୁଣିତା କାଞ୍ଜିଲାଲ। ଶୋ’ରେ ଉଭୟଙ୍କ ସମ୍ପର୍କକୁ ନେଇ ସବୁଆଡେ ଚର୍ଚ୍ଚା ଲାଗି ରହିଥିଲା। ଫ୍ୟାନ୍ମାନେ ଉଭୟଙ୍କୁ ଜୀବନସାଥୀ ଭାବେ ଦେଖିବାକୁ ଚାହୁଁଥିଲେ, ଯାହା ଏବେ ପୁରାଣ ହେବାକୁ ଯାଉଛି । ତେବେ ରିୟଲରେ ନୁହେଁ ବରଂ ରିଲ୍ରେ ହିଁ ଏହି ଷ୍ଟାର ନିର୍ବନ୍ଧ କରିଛନ୍ତି। ନିକଟରେ ସେମାନଙ୍କର ଏକ ନୂଆ ଗୀତ ରିଲିଜ୍ ହେବାକୁ ଯାଉଛି। ଏହି ଗୀତରେ ଉଭୟେ ସ୍ୱର ସଂଯୋଜନା କରିଛନ୍ତି। ତେବେ ଏହି ଭିଡିଓରେ କେବଳ ଉଭୟେ କଣ୍ଠଦାନ କରିନାହାନ୍ତି ବରଂ ଅଭିନୟ ମଧ୍ୟ କରିଥିବା ଦେଖିବାକୁ ମିଳିଛି। ଗୀତର ବୋଲ୍ ରହିଛି- ମଞ୍ଜୁର ଦିଲ୍ ‘Manzoor Dil’। ଏହାର ଟିଜର ନିକଟରେ ରିଲିଜ୍ ହୋଇଛି। ଏହି ଟିଜରରେ ପବନ ନିଜ ମନର କଥା ଅରୁଣିତାଙ୍କୁ କହୁଥିବା ଦେଖିବାକୁ ମିଳିଛି। ପବନ ଟିଜରରେ ଅରୁଣିତାଙ୍କୁ କହୁଛନ୍ତି, ‘ଏକ ବାତ୍ ପୁଛୁ…’ ଏହାର ଉତ୍ତରରେ ଅରୁଣିତା କହୁଛନ୍ତି, ‘ହାଁ ପୁଛୋ…’ ପବନ କହୁଛନ୍ତି- ସାଥ୍ ଦୋଗି ନା ମେରା… ଏହାର ଜବାବରେ ଅରୁଣିତା କହୁଛନ୍ତି- ହମେଶା… ଉଭୟଙ୍କର ଏହି ରୋମାଣ୍ଟିକ୍ ଗୀତ ଆସନ୍ତା ଅକ୍ଟୋବର ୨୩ ତାରିଖରେ ରିଲିଜ୍ ହେବ।
ଏହି ଗୀତ ବିଷୟରେ ନିର୍ଦ୍ଦେଶକ ଓ ପ୍ରଯୋଜକ ରାଜ୍ ସୁରାନୀ ମଧ୍ୟ କିଛି କଥା ସେୟାର କରିଛନ୍ତି। ସେ କହିଛନ୍ତି, ଏହି ଗୀତର ସୁଟିଂ ଅନେକଗୁଡ଼ିଏ ସ୍ଥାନରେ ହୋଇଛି। ଉଭୟେ ଏକାଠି ଅନେକ ଗୀତ ଗାଇଥିଲେ ମଧ୍ୟ ଏହି ଗୀତରେ ପ୍ରଥମ ଥର ପାଇଁ ଅଭିନୟ କରିଛନ୍ତି। ସେ କହିଛନ୍ତି ଯେ ସେ ପବନ-ଅରୁଣିତାଙ୍କ ସହ ୨୦ଟି ଗୀତ ସାଇନ୍ କରିଛନ୍ତି। ତାହା ଖୁବ୍ଶୀଘ୍ର ଗୋଟିଏ ପରେ ଗୋଟିଏ ରିଲିଜ୍ ହେବ।
