ଏୟାର ଇଣ୍ଡିଆର ନୂଆ ସିଇଓ ଇଲକର ଐସି
ନୂଆଦିଲ୍ଲୀ : ଇଲକର ଐସିଙ୍କୁ ଟାଟା ସନ୍ସ ଏୟାର ଇଣ୍ଡିଆର ନୂଆ ସିଇଓ ଏବଂ ଏମଡି ରୂପେ ନିଯୁକ୍ତ କରିଛି । ଇଲକର ଐସିଙ୍କୁ ନାମକୁ ସ୍ଥିର କରିବା ପାଇଁ ଆଜି ଅପରାହ୍ନରେ ଏୟାର ଇଣ୍ଡିଆର ବୈଠକ ଅନୁଷ୍ଠିତ ହୋଇଥିଲା । ବୋର୍ଡ ତରଫରୁ ଉଚିତ ବିଚାର-ବିମର୍ଶ ପରେ ଏୟାର ଇଣ୍ଡିଆର ନୂଆ ସିଇଓ ଏବଂ ଏମଡି ରୂପେ ଇଲକର ଐସିଙ୍କ ନିଯୁକ୍ତିକୁ ମଞ୍ଜୁରୀ ଦିଆଯାଇଛି । ୨୦୨୨ ଏପ୍ରିଲ ପହିଲାରୁ ଇଲକର ଐସି କାର୍ଯ୍ୟଭାର ସମ୍ଭାଳିବେ । ଏହାପୂର୍ବରୁ ସେ ଟର୍କିଶ ଏୟାରଲାଇନ୍ସର ଅଧ୍ୟକ୍ଷ ଥିଲେ ।
ଏନ ଚନ୍ଦ୍ରଶେଖରନ କହିଛନ୍ତି ଯେ, ଇଲକର ଐସି ବିମାନ ଉଦ୍ୟୋଗର ଜଣେ ନେତା ଯିଏକି ତୁର୍କୀ ଏୟାରଲାଇନ୍ସର ଅଧ୍ୟକ୍ଷ ଥିଲେ । ଆମେ ଟାଟା ଗ୍ରୁପରେ ଇଲକରଙ୍କୁ ସ୍ୱାଗତ କରି ବେଶ୍ ଖୁସି ଅନୁଭବ କରୁଛୁ । ଏଠାରେ ସେ ନୂଆ ଯୁଗରେ ଏୟାର ଇଣ୍ଡିଆର ନେତୃତ୍ୱ କରିବେ ।
