ବାଲେଶ୍ୱର : କଣ୍ଟେନର ଧକ୍କାରେ ସ୍ୱାମୀ ମୃତ, ସ୍ତ୍ରୀ ଗୁରୁତର
ବାଲେଶ୍ୱର : ବାଲେଶ୍ୱର ଜିଲା ୧୬ ନମ୍ବର ଜାତୀୟ ରାଜପଥ ନିଧିପଣ୍ଡା ନିକଟରେ ସଡ଼କ ଦୁର୍ଘଟଣା। କଣ୍ଟେନର ଧକ୍କାରେ ସ୍କୁଟି ଚାଳକ ସ୍ୱାମୀର ମୃତ୍ୟୁ ହୋଇଥିବା ବେଳେ ସ୍ତ୍ରୀ ଗୁରୁତର ଥିବା ଜଣାପଡିଛି । ମୃତକ ଜଣକ ରୁପ୍ସା ଥାନା ଅନ୍ତର୍ଗତ କସିପଦା ଗ୍ରାମର ତପନ ସେଠୀ ବୋଲି ଜଣାପଡିଛି । ଖବର ପାଇ ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଜାରି ରଖିଛି ।
ସୂଚନା ଯେ, ତପନ ତାଙ୍କ ପତ୍ନୀ ପାର୍ବତୀଙ୍କ ସହ କୌଣସି କାରଣରୁ ବାଲେଶ୍ୱର ଆସିଥିଲେ । କାମ ସାରି ଘରକୁ ସ୍କୁଟି (ନଂ. ଓଡି୦୧ଏଜେ-୧୪୮୯) ଯୋଗେ ଘରକୁ ଫେରୁଥିଲେ । ନିଧିପଣ୍ଡା ନିକଟରେ ଗୋଟିଏ କଣ୍ଟେନର (ନଂ. ଆରଜେ୨୭ଜିସି-୬୫୦୨) ତାଙ୍କୁ ପଛପଟୁ ଧକ୍କା ଦେଇଥିଲା । ଘଟଣାସ୍ଥଳରେ ତପନଙ୍କର ମୃତ୍ୟୁ ହୋଇଥିବାବେଳେ ତାଙ୍କ ସ୍ତ୍ରୀ ଗୁରୁତର ହୋଇଥିଲେ । ସ୍ଥାନୀୟ ଲୋକେ ତାଙ୍କୁ ଉଦ୍ଧାର କରି ଜିଲା ମୁଖ୍ୟ ଚିକିତ୍ସଳୟକୁ ପଠାଇ ଥିଲେ। ଅନ୍ୟପକ୍ଷରେ କଣ୍ଟେନରକୁ ଅଟକ ରଖିବା ସହ ଡ୍ରାଇଭରକୁ ସ୍ଥାନୀୟ ଲୋକେ କାବୁ କରି ପୋଲିସର ଜିମା ଦେଇଛନ୍ତି ।
