ବନ କର୍ମଚାରୀଙ୍କ ଉପରେ ଗୁଳି ଚଳାଇଲେ ଶିକାରୀ, ଜଣେ ଗୁରୁତର
ମୟୁରଭଞ୍ଜ : ଶିମିଳିପାଳ ଅନ୍ତର୍ଗତ ଡୁକୁରାରେ ଭବସା ଅଞ୍ଚଳରେ ପାଟ୍ରୋଲିଂ ଏବଂ ଜଙ୍ଗଲ ନିଆଁ ଲିଭା ତଦାରଖ ପାଇଁ ଗତ ଗୁରୁବାର ୬ଜଣ ବନ କର୍ମଚାରୀ ଯାଇଥିଲେ । ପାଟ୍ରୋଲିଂ ବେଳେ ଶିକାରୀମାନେ ବନ ବିଭାଗ କର୍ମଚାରୀଙ୍କୁ ଦେଖିବା ମାତ୍ରେ ଆଖିବୁଜା ଗୁଳି ଚଳାଇଥିଲେ । ବନ କର୍ମଚାରୀଙ୍କ ଉପରକୁ ଆଖି ବୁଜା ଗୁଳି ଚଳାଇବା ଫଳରେ ସବୁଜ ବାହିନୀ କର୍ମଚାରୀ ସୁନାରାମ ସିଂଙ୍କ ଦୁଇ ଜଙ୍ଘରେ ୩ରୁ ଅଧିକ ଗୁଳି ବାଜିଥିଲା । ବନ କର୍ମଚାରୀଙ୍କ ଉପରକୁ ଗୁଳିମାଡ କରି ଘଟଣାସ୍ଥଳରୁ ୫ରୁ ଅଧିକ ଶିକାରୀ ଫେରାର ହୋଇଯାଇଥିଲେ । ସେପଟେ ଗୁଳି ମାଡରେ ଗୁରୁତର ହୋଇ ପଡି ରହିଥିଲେ ସୁନାରାମ ।
ଖବର ପାଇ ବନବିଭାଗ ଅଧିକାରୀ ଏବଂ କର୍ମଚାରୀ ତାଙ୍କୁ ଉଦ୍ଧାର କରିବାର ଚେଷ୍ଟା ଆରମ୍ଭ କରିଥିଲେ । ମାତ୍ର ଶୁକ୍ରବାର ଭୋର ୫ଟାରେ ଆହତ କର୍ମଚାରୀଙ୍କୁ ଉଦ୍ଧାର କରାଯାଇଥିଲା । ପୁରା ୧୨ ଘଣ୍ଟା ଲାଗିଥିବା କର୍ମଚାରୀଙ୍କୁ ଉଦ୍ଧାର କରିବା । ଶେଷରେ ଗୁରୁତର କର୍ମଚାରୀଙ୍କୁ ଚିକିତ୍ସା ନିମନ୍ତେ ଉଦଳା ଡାକ୍ତରଖାନାରେ ଭର୍ତ୍ତି କରାଯାଇଛି ।
