ମା’ କ୍ଷୀର ଖାଇବା ପରେ ପିଲାର ପେଟ ପୁରିଛି କି ନାହିଁ କିପରି ଜାଣିବେ

ଉପଯୁକ୍ତ ବିକାଶ ଏବଂ ପୁଷ୍ଟିକର ଖାଦ୍ୟ ପାଇଁ ନବଜାତ ଶିଶୁ ନିଜ ମା’ର କ୍ଷୀର ଉପରେ ନିର୍ଭରଶୀଳ। ମା’ କ୍ଷୀରରେ ସମସ୍ତ ପୋଷକ ତତ୍ତ୍ୱ ରହିଥାଏ ଯାହା ଶିଶୁର ବୃଦ୍ଧି ଏବଂ ବିକାଶ ପାଇଁ ଆବଶ୍ୟକ। ବିଶ୍ୱ ସ୍ୱାସ୍ଥ୍ୟ ସଂଗଠନ ଅନୁଯାୟୀ ଶିଶୁମାନଙ୍କୁ ୬ ମାସ ବୟସ ପର୍ଯ୍ୟନ୍ତ କେବଳ ମା କ୍ଷୀର ଖୁଆଇବା ଉଚିତ୍। ମା କ୍ଷୀର ଶିଶୁର ହଜମ ପ୍ରକ୍ରିୟାକୁ ସହଜ କରେ ଏବଂ ପେଟ ଜନିତ ସମସ୍ୟାରୁ ରକ୍ଷା କରିଥାଏ। କିନ୍ତୁ ଆପଣ ଜାଣନ୍ତି କି ନବଜାତ ଶିଶୁକୁ ଖାଇବାକୁ ଦେବାବେଳେ କୌଣସି ମା କିପରି ଜାଣିବେ ଯେ ତାଙ୍କ ଶିଶୁର ପେଟ ପୁରିଛି କି ନାହିଁ।

ଚିଡଚିଡ଼ାପଣ :

ଯଦି ଶିଶୁ ଭୋକିଲା ଅଛି, ତେବେ ଆପଣ ଶିଶୁଙ୍କ ନିକଟରେ ଚିଡ଼ଚିଡ଼ାପଣ ଦେଖିବାକୁ ପାଇବେ। ଏହା ବ୍ୟତୀତ, ଶିଶୁର ଡାଏପର କମ୍ ଓଦା ହେଉଥିଲେ ମଧ୍ୟ ଏହା ଶିଶୁର ସଠିକ୍ ଭାବରେ କ୍ଷୀର ଖାଉନଥିବାର ସଙ୍କେତ ହୋଇପାରେ।

ସୁସ୍ଥ ଶିଶୁ :

କ୍ଷୀର ପିଇବା ପରେ ଯଦି ଶିଶୁର ପେଟ ପୁରିଥାଏ, ତେବେ ଆପଣଙ୍କ ଶିଶୁ ବେଶ ଆକ୍ଟିଭ ହୋଇ ଖେଳକୁଦ କରିଥାଏ। କିନ୍ତୁ ଯଦି ଶିଶୁଟିର ପେଟ ପୁରିନଥାଏ ତେବେ ଉକ୍ତ ଶିଶୁ ମାନ୍ଦା ରହିଥାଏ। ଶିଶୁ ଯଦି ସକ୍ରିୟ ନ ରୁହେ ତେବେ ଆପଣ ଜାଣି ନିଅନ୍ତୁ ଯେ ଆପଣଙ୍କ ଶିଶୁର ପେଟ ପୁରିନାହିଁ।

ଯଦି ଶୁଷ୍କ ଦେଖାଯାଏ :

ଯଦି ଶିଶୁର ଆଖି ଏବଂ ପାଟିରେ ଶୁଷ୍କତା ଦେଖାଯାଏ, ତେବେ ଏହା ଡିହାଇଡ୍ରେସନ୍ ର ଲକ୍ଷଣ। ଏହାର ଅର୍ଥ ହେଉଛି ଶିଶୁ ଯଥେଷ୍ଟ କ୍ଷୀର ଖାଉ ନାହିଁ। ଏହା ବ୍ୟତୀତ ଯଦି ଶିଶୁର ପରିସ୍ରାର ରଙ୍ଗ ଅଧିକ ହଳଦିଆ, ତେବେ ହୁଏତ ଶିଶୁଟି ଯଥେଷ୍ଟ କ୍ଷୀର ପାଇବ ନାହିଁ।

ଓଜନ ବଢିବା :

ଯଦି ଶିଶୁଟି ଓଜନ ବଢୁଛି ଏବଂ ସଠିକ୍ ଭାବରେ ବିକାଶ କରୁଛି, ତେବେ ଚିନ୍ତା କରିବାର କିଛି ନାହିଁ। ଏହାର ଅର୍ଥ ହେଉଛି ଶିଶୁର ପେଟ ଭରିଯାଉଛି ଏବଂ ସେ ଯଥେଷ୍ଟ କ୍ଷୀର ଖାଉଛନ୍ତି।

ସ୍ୱରରୁ ଚିହ୍ନିବା :

ସ୍ତନ୍ୟପାନ ସମୟରେ, ଯଦି ମା ଶିଶୁର କ୍ଷୀର ପିଇବାର ଶବ୍ଦ ଶୁଣନ୍ତି, ତେବେ ବୁଝି ନିଅନ୍ତୁ ଯେ ସେ କ୍ଷୀର ପିଉଛନ୍ତି । ଏହା ସହିତ ଶିଶୁର କ୍ଷୀର ପିଇବା ପରେ ମାଆ ଛାତିରେ ହାଲୁକା ଅନୁଭବ କରିବେ।