ହୋମଗାର୍ଡଙ୍କ ସନ୍ଦେହ ଜନକ ମୃତ୍ୟୁ
ଅନୁଗୁଳ : ଅନୁଗୁଳ ହୋମଗାର୍ଡ ଅଫିସ କ୍ୟାଣ୍ଟିନ ଭିତରେ ଜଣେ ହୋମଗାର୍ଡଙ୍କ ସନ୍ଦେହ ଜନକ ମୃତ୍ୟୁ ହୋଇଛି। ମୃତ ହୋମଗାର୍ଡ ଜଣକ ହେଲେ ଶ୍ରୀବଶ୍ଚ ସାହୁ ବୋଲି ଜଣାପଡିଛି । ତେବେ ବର୍ତ୍ତମାନ ସୁଦ୍ଧା ମୃତ୍ୟୁର କାରଣ ଅସ୍ପଷ୍ଟ ରହିଛି।
ସୂଚନା ଯେ, ଅନୁଗୁଳ ହୋମଗାର୍ଡ ଅଫିସ କ୍ୟାଣ୍ଟିନ ଭିତରେ ଆଜି ସକାଳୁ ସକାଳୁ ହୋମଗାର୍ଡ ଶ୍ରୀବଶ୍ଚ ସାହୁ ଅସୁସ୍ଥ ହୋଇ ପଡିଥିଲେ। ତାଙ୍କୁ ତୁରନ୍ତ ଅନୁଗୁଳ ମେଡିକାଲରେ ଭର୍ତ୍ତି କରାଯାଇଥିଲା। ହେଲେ ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଛନ୍ତି। ମୃତ ହୋମଗାର୍ଡଙ୍କ ଘର ଶରଧାପୁର। ତେବେ ଶ୍ରୀବଶ୍ଚଙ୍କ ମୃତ୍ୟୁର କାରଣ ଜଣାପଡି ନାହିଁ। ଶ୍ରୀବଶ୍ଚଙ୍କ ଶବ ବ୍ୟବଚ୍ଛେଦ ପାଇଁ ପଠାଯାଇଛି। ପୋଷ୍ଟମର୍ଟମ ରିପୋର୍ଟ ଆସିବା ପରେ ମୃତ୍ୟୁର କାରଣ ଜଣା ପଡିବ ବୋଲି ଡାକ୍ତର କହିଛନ୍ତି। ତେବେ ଶ୍ରୀବଶ୍ଚ ଗତକାଲି ରାତି ଡ୍ୟୁଟିରେ ଥିଲେ ବୋଲି ଜଣାପଡିଛି।
