ଭକ୍ତଙ୍କ ପାଇଁ ଖୁସି ଖବର! ଏହି ତାରିଖରୁ ସାଧାରଣ ଭକ୍ତଙ୍କ ଦର୍ଶନ ପାଇଁ ଖୋଲିବ ସାବରୀମାଳା ମନ୍ଦିର
ଥିରୁବନନ୍ତପୁରମ : ସାଧାରଣ ଭକ୍ତଙ୍କ ଦର୍ଶନ ପାଇଁ ଖୋଲିବ ସାବରୀମାଳା ମନ୍ଦିର । ମଣ୍ଡଳମ ସ୍ବତନ୍ତ୍ର ପୂଜା ପରେ ସାବରୀମାଳା ମନ୍ଦିରକୁ ସାଧାରଣ ଭକ୍ତଙ୍କ ପାଇଁ ବନ୍ଦ କରାଯାଇଥିଲା । ହେଲେ ମାକରାଭିଲାକ୍କୁ ପୂଜ ଅବସରରେ ଆସନ୍ତା ୩୦ ତାରିଖ ସଂନ୍ଧ୍ୟାରେ ମନ୍ଦିର ଖୋଲାଯିବ । ଡିସେମ୍ବର ୩୧ରୁ ସାଧାରଣ ଭକ୍ତଙ୍କୁ ଦର୍ଶନ ପାଇଁ ଅନୁମତି ଦିଆଯିବ । ଏନେଇ ଟ୍ରାଭାନକୋର ଦେବସ୍ବମ ବୋର୍ଡର ଅଧିକାରୀମାନେ ସୂଚନା ଦେଇଛନ୍ତି ।
ସେପଟେ ଏନେଇ ମନ୍ଦିରର ମୁଖ୍ୟ ପୂଜକ ମଧ୍ୟ ପ୍ରତିକ୍ରିୟା ରଖିଛନ୍ତି । ମଣ୍ତଳ ପୂଜାର ୪୧ ଦିନ ପରେ ମନ୍ଦିରର ଗର୍ଭଗୃହକୁ ବନ୍ଦ କରାଯାଇଥିଲା । ହେଲେ ଚଳିତ ବର୍ଷ କୋଭିଡ କଟକଣା କୋହଳ ଯୋଗୁଁ ସାବରୀମାଳାରେ ଭକ୍ତଙ୍କ ସଂଖ୍ୟା ବୃଦ୍ଧି ପାଇଛି । ମାକରାଭିଲାକ୍କୁ ପୂଜା ପାଇଁ ଭକ୍ତମାନଙ୍କୁ ଡିସେମ୍ବର ୩୧ରୁ ଅନୁମତି ଦିଆଯିବ । ମାକରାଭିଲାକ୍କୁ ଉତ୍ସବ ଜାନୁଆରୀ ୧୪ରେ ଅନୁଷ୍ଠିତ ହେବ ।
