ନୁଆସାହି ଗ୍ରାମରୁ ୫ ମାଙ୍କଡ ଧରିଲା ବନ ବିଭାଗ
ଖଇରା : ୧୧ବାଲେଶ୍ୱର ଜିଲା ଖଇରା ବ୍ଲକ ମହତୀପୁର ପଞ୍ଚାୟତ ଅଧୀନ ନୁଆସାହି ତଥା ଆଖପାଖ ଗ୍ରାମ ଗୁଡିକରେ ୧୨ରୁ ଅଧିକ ମାଙ୍କଡ ଉତ୍ପାତ କରିବା ସହ ଫସଲ ନଷ୍ଟ କରୁଥିଲେ । ଏଥିରେ ଗ୍ରାମବାସୀ ଅତିଷ୍ଠ ହୋଇ ପଡିବା ସହ ବନ ବିଭାଗକୁ ଖବର ଦେଇଥିଲେ । କୁପାରୀ ଫରେଷ୍ଟର ଓ ସବୁଜବାହିନୀ ସଦସ୍ୟ ମାନେ ମାଙ୍କିଡିଆ ସମ୍ପ୍ରଦାୟକୁ ସାଙ୍ଗରେ ଧରି ବୁଧବାର ଠାରୁ ମାଙ୍କଡ ଧରା ଅଭିଯାନ ଆରମ୍ଭ କରିଥିଲେ । ୨ଦିନର ଅକ୍ଳାନ୍ତ ପରିଶ୍ରମ ପରେ ଗୁରୁବାର ଅପରାହ୍ନରେ ୪ଟି ବଡ ଓ ଗୋଟି ଛୋଟ ଏହିଭଳି ୫ଟି ମାଙ୍କଡ ଧରିବାକୁ ବନ ବିଭାଗ ସଫଳ ହୋଇଥିଲା । ଏହି ମାଙ୍କଡ ଗୁଡିକର ଚିକିତ୍ସା ପରେ ସେମାନଙ୍କୁ କୁଲଡିହା ଅଭୟାରଣ୍ୟରେ ଛଡାଯିବ ବୋଲି ଫରେଷ୍ଟର ନରେଶ ସିଂ କହିଛନ୍ତି ।
