ଆପଣାନ୍ତୁ ଚାଣକ୍ୟଙ୍କ ଏହି ଉପାୟ, ବଢିବ ଯଶ ଓ ସମ୍ମାନ
ଚାଣକ୍ୟ ନୀତି ଆମ ଜୀବନରେ ବହୁତ କାମ ଆସିଥାଏ । ଏହାର ଅର୍ଥ ଚାଣକ୍ୟ ନୀତି କାରଣରୁ ଜୀବନରେ ଅନେକ ସଫଳତା ମିଳିଥାଏ । ଚାଣକ୍ୟ ନୀତି ଜୀବନରେ ସଫଳତା ରାସ୍ତା ଦେଖାଇଥାଏ। ଜୀବନରେ ଯଦି ଚାଣକ୍ୟ ନୀତିକୁ ଆପଣେଇବା ତେବେ କେବଳ ଘରେ ନୁହେଁ ଅଫିସରେ ମଧ୍ୟ ଆପଣଙ୍କ ମାନ ସମ୍ମାନ ଯଶର ଟେକ ରହିବ। ଆଜିକାଲି ଦୁନିଆରେ ସମସ୍ତେ ନିଜ ସଫଳତାକୁ ନେଇ ଚିନ୍ତିତ। ତେବେ ଚାଲନ୍ତୁ ଆଜି ଆମେ ଆପଣଙ୍କୁ କହିବୁଯେ ଚାଣକ୍ୟ ନୀତିକୁ କେମିତି ଆପଣେଇଲେ ଆପଣ ସଫଳତା ପାଇବେ ।
ସମ୍ମାନ କରନ୍ତୁ :
କାର୍ଯ୍ୟସ୍ଥଳରେ ସମସ୍ତେ ଅର୍ଥାତ୍ ଛୋଟ ବଡ ସମସ୍ତଙ୍କୁ ସମ୍ମାନ କରିବା ଉଚିତ୍। ଅଫିସରେ ସମସ୍ତଙ୍କୁ ନେଇ କାମ କରିବା ଉଚିତ୍। ଏକାଠି କାମ କରିବା ଦ୍ୱାରା ସଫଳତା ହାତେଇ ହୁଏ। ଟିମର ପ୍ରତିଟି ଲୋକଙ୍କୁ ସମ୍ମାନ କରିବା ଉଚିତ୍। ଟିମର ପ୍ରତିଟି ଲୋକଙ୍କୁ ସମ୍ମାନ ଦେବା ଦ୍ୱାରା ଅଫିସରେ ନିଜର ଇଜ୍ଜତ ମଧ୍ୟ ବଢିଥାଏ। ଟିମରେ ସମସ୍ତଙ୍କ ସହଯୋଗ ନେଇ କାମ କରିବା ଉଚିତ୍। ସେମିତି ହେଲେ ଆପଣଙ୍କୁ ସମସ୍ତେ ପସନ୍ଦ କରିବେ ଓ ଆପଣ ଜଲଦି ହିଁ ସଫଳତା ପ୍ରାପ୍ତ କରିପାରିବେ।
ପ୍ରତିଭାକୁ ଆଗକୁ ବଢାନ୍ତୁ :
ଚାଣକ୍ୟ ନୀତି ଅନୁସାରେ ଯେଉଁ ଲୋକ ଉଚ୍ଚ ପଦବୀରେ ରହିଛନ୍ତି ସେମାନେ ନିଜ ପାର୍ଶ୍ୱରେ ରହିଥିବା ପ୍ରତିଭାବାନ ବ୍ୟକ୍ତିଙ୍କୁ ଆଗକୁ ବଢାଇବାରେ ସାହାଯ୍ୟ କରନ୍ତୁ। ପ୍ରତିଭା ଅନୁଯାୟୀ, ସମସ୍ତଙ୍କ ମଧ୍ୟରେ କାମ ବାଣ୍ଟିବା ଉଚ୍ଚ ପଦବୀରେ ବସିଥିବା ଲୋକର ଏହା ମୁଖ୍ୟ ଦାୟିତ୍ୱ। ମାତ୍ର ଯେଉଁ ଲୋକ ଜଣେ ଜଣଙ୍କ ପାଇଁ ଷଡଯନ୍ତ୍ର ରଚୁଛନ୍ତି ସେମାନେ ଯେତେଶୀଘ୍ର ଉପରକୁ ଯାଆନ୍ତି ସେମିତି ତଳକୁ ଅର୍ଥାତ୍ ସମୟ ଥାଉ ଥାଉ ନିମ୍ମଗାମୀ ମଧ୍ୟ ହୋଇଥାନ୍ତି। କଥାରେ ଅଛି ଯିଏ ଯେମିତି କରିବ ସେ ସେମିତି ଦଣ୍ଡ ପାଇବ । ଚାଣକ୍ୟ ନୀତିରେ ଏହା କୁହାଯାଇଛି ଯେ, ଜୀବନରେ ଆପଣ ଯାହାଙ୍କୁ ସହଯୋଗ କରିବେ ସେହିପରି ଆପଣ ମଧ୍ୟ ସହଯୋଗ ପାଇବେ।
ହୀନ ଭାବନା ରଖନ୍ତୁ ନାହିଁ :
କାହାପ୍ରତି ବି ହୀନ ଭାବନା ରଖନ୍ତୁ ନାହିଁ। ନିଜର କାର୍ଯ୍ୟସ୍ଥଳ ବା ଅଫିସରେ ସମସ୍ତଙ୍କୁ ସମ୍ମାନ ନଜରରେ ଦେଖିବା ସଫଳତାର ମୂଳଚାବି ବୋଲି କୁହାଯାଏ। ଯଦି ଆପଣ ଅଫିସରେ ସବୁ ସଦସ୍ୟଙ୍କ ସହ ମିଳିମିଶି କାମ କରିବେ ତେବେ କାହା ସହିତ ଭେଦଭାବ ମତାନ୍ତର ଦେଖାଦେବ ନାହିଁ। ଯାହାଫଳରେ ଆପଣ ସଫଳତାର ପାଦ ଚୁମିପାରିବେ। ଏଥିପାଇଁ ଚାଣକ୍ୟ ନୀତିରେ କୁହାଯାଇଛି ସମସ୍ତଙ୍କୁ ସାଥୀରେ ନେଇ କାମ କରିବା ଜରୁରୀ।
