ପୁଣି ୫ଜଣ ଛାତ୍ରୀ ଓ ଜଣେ ଶିକ୍ଷୟତ୍ରୀ କରୋନା ପଜିଟିଭ ଚିହ୍ନଟ
- ବିଦ୍ୟାଳୟକୁ ବନ୍ଦ କଲେ ପ୍ରଧାନ ଶିକ୍ଷକ
ଢେଙ୍କାନାଳ : ରାଜ୍ୟରେ ବଢିଚାଲିଛି କରୋନା ସଂକ୍ରମଣ । ବିଶେଷ କରି ସ୍କୁଲରେ ବ୍ୟାପୁଛି କରୋନା । ଏହି ପରିପ୍ରେକ୍ଷୀରେ ଢେଙ୍କାନାଳ ଜିଲା କାମାକ୍ଷାନଗର ବ୍ଲକ ରାୟନୃସିଂହପୁର ସିଦ୍ଧେଶ୍ବରୀ ସରକାରୀ ଉଚ୍ଚ ବିଦ୍ୟାଳୟରୁ ଆଜି ୫ଜଣ ଛାତ୍ରୀ ଓ ଜଣେ ଶିକ୍ଷୟତ୍ରୀ କରୋନା ପଜିଟିଭ ଚିହ୍ନଟ ହୋଇଛନ୍ତି । ଏହାପରେ ବିଦ୍ୟାଳୟକୁ ପ୍ରଧାନ ଶିକ୍ଷକ ବନ୍ଦ କରିଛନ୍ତି ।
ସୂଚନା ଯେ, ପୂର୍ବରୁ କାମାକ୍ଷାନଗର ବ୍ଳକ କାନପୁରା ପଞ୍ଚାୟତ ରାଜ ଉଚ୍ଚ ବିଦ୍ୟାଳୟରୁ ୧୪ଜଣ ଛାତ୍ରଛାତ୍ରୀ ଓ ୬ ଜଣ କର୍ମଚାରୀ ଚିହ୍ନଟ ହୋଇ ଏବେ ଚିକିତ୍ସାଧୀନ ଅଛନ୍ତି। ସେହିପରି କୋଟଗରା ଉଚ୍ଚ ବିଦ୍ୟାଳୟରୁ ୨ ଛାତ୍ରୀ ଚିହ୍ନଟ ହୋଇ ଚିକିତ୍ସିତ ହେଉଛନ୍ତି। ଅଁଳାବେରେଣି ମେଡିକାଲ ଅଫିସର ଡାକ୍ତର ପ୍ରମିଳ କୁମାର ପ୍ରଧାନ ସୂଚନା ଦେଇଛନ୍ତି। ଏହା ଉପରେ ଦୃଷ୍ଟି ରଖାଯାଇଥିବା ସେ କହିଛନ୍ତି।
