୪୦୦ କୋଟି ବଜେଟରେ ନିର୍ମାଣ ହେବ ଫିଲ୍ମ ‘ପୁଷ୍ପା’ ପାର୍ଟ-୨, ଅଲ୍ଲୁ ଅର୍ଜୁନଙ୍କ ଫିସ୍ ଜାଣିଲେ ଉଡ଼ିଯିବ ହୋସ୍
ମୁମ୍ବାଇ : ବଲିଉଡ ଫିଲ୍କ ଅପେକ୍ଷା ସାଉଥ ଫିଲ୍ମର କ୍ରେଜ୍ ବଢୁଛି । ଦର୍ଶକ ସାଉଥ ଫିଲ୍ମ ଦେଖିବାକୁ ଅଧିକ ପସନ୍ଦ କରୁଛନ୍ତି । ଆପଣ ଜାଣିଥିବେ ଫିଲ୍ମ ପୁଷ୍ପାର କ୍ରେଜ୍ କେତେ ରହିଥିଲା । କେବଳ ଦେଶ ନୁହେଁ ବିଦେଶରେ ମଧ୍ୟ ଚର୍ଚ୍ଚାର ପରିସର ଭିତରକୁ ଆସିଥିଲା ଫିଲ୍ମ ‘ପୁଷ୍ପା ଦ ରାଇଜ୍’ । ବହୁତ ଭଲ ବ୍ୟବସାୟ କରିଥିଲା ଏହି ଫିଲ୍ମ । ଏବେ ଏହି ଫିଲ୍ମର ପାର୍ଟ-୨ ନିର୍ମାଣ ପାଇଁ ଯୋଜନା ହେଉଛି ।
ଫିଲ୍ମର ନିର୍ମାତା କହିଛନ୍ତିଯେ, ଫିଲ୍ମର ପାର୍ଟ-୨ ଉପରେ କାମ ଆରମ୍ଭ ହୋଇସାରିଛି । ତେବେ ଯାହା ସୂଚନା ରହିଛି ବହୁତ ବଡ଼ ବଜେଟରେ ନିର୍ମାଣ ହେବ ଏହି ଫିଲ୍ମ । ୪୦୦ କୋଟି ଟଙ୍କାର ବଜେଟ୍ ଆକଳନ କରିଛନ୍ତି ପ୍ରଡ୍ୟୁସର । ଏହା ବ୍ୟତୀତ ଅଲ୍ଲୁ ଅର୍ଜୁନଙ୍କ ଫିସ୍ ବିଷୟରେ କୁହାଯାଇଛିଯେ, ଅଭିନେତା ଏହି ଫିଲ୍ମ ପାଇଁ ବହୁତ ଅଧିକ ଟଙ୍କା ନେଉଛନ୍ତି । ଯାହା ସେ ତାଙ୍କ ଫିଲ୍ମ କ୍ୟାରିୟର ମଧ୍ୟରେ ଏତେ ଟଙ୍କା କେଉଁ ଫିଲ୍ମରୁ ପାଇନାହାଁନ୍ତି । କୁହାଯାଉଛିଯେ, ଅଭିନେତା ଏହି ଫିଲ୍ମ ପାଇଁ ୧୦୦ କୋଟି ଟଙ୍କା ନେଉଛନ୍ତି । ଯଦି ଏହା ସତ ତେବେ ଏହା ସବୁଠାରୁ ଅଧିକ ଫିସ୍ ଅଟେ ।
