ହକି ମହାସମର : ଆଜିଠୁ କ୍ରସଓଭର ମ୍ୟାଚ୍, ଜିତିବା ଦଳ ଖେଳିବ କ୍ୱାର୍ଟର ଫାଇନାଲ
ଭୁବନେଶ୍ୱର : ଚଳିତ ଏଫ୍ଆଇଏଚ୍ ପୁରୁଷ ହକି ବିଶ୍ୱକପ ଟୁର୍ଣ୍ଣାମେଣ୍ଟର ପୁଲ୍ ପର୍ଯ୍ୟାୟ ଶେଷ ହୋଇଛି । ଆଜି ଓ ଆସନ୍ତାକାଲି ଖେଳାଯିବ କ୍ରସଓଭର ମ୍ୟାଚ୍ । ଏଥିରେ ଯେଉଁ ଦଳ ଜିତିବ କ୍ୱାର୍ଟର ଫାଇନାଲ ଟିକଟ ହାତେଇବ ଏବଂ ଯେଉଁ ଦଳ ହାରିବ ସିଏ ରାଉଲକେଲା ଯାଇ ବିଶ୍ଵକପ ରାଙ୍କିଂ ପାଇଁ ମ୍ୟାଚ ଖେଳିବ। କ୍ରସଓଭର ମ୍ୟାଚ ସବୁ ସରିଲା ପରେ କ୍ବାର୍ଟର ଫାଇନାଲ୍ ଲାଇନ୍ ଅପ୍ ଚୂଡାନ୍ତ ହେବ ।
ଆଜିଠୁ ହକି ବିଶ୍ୱକପରେ ଖେଳାଯିବ କ୍ରସଓଭର ମ୍ୟାଚ । ରବିବାର ପ୍ରଥମ କ୍ରସ ଓଭର ମ୍ୟାଚ୍ ମାଲେସିଆ ଓ ସ୍ପେନ ମଧ୍ୟରେ ଅପରାହ୍ନ ସାଢେ ୪ଟାରେ ଖେଳାଯିବ। ପରେ ସନ୍ଧ୍ୟା ୭ଟାରେ ଆୟୋଜକ ଭାରତକୁ ସାମ୍ନା କରିବ ନ୍ୟୁଜିଲାଣ୍ଡ। ସେହିପରି ଜର୍ମାନୀ-ଫ୍ରାନ୍ସ ଏବଂ ଦକ୍ଷିଣ କୋରିଆ-ଆର୍ଜେଣ୍ଟିନା ମଧ୍ୟରେ ମୁକାବିଲା ହେବ ।
ସୂଚନା ଯେ, ଆଉ ୪ଟି ଦଳ କ୍ୱାର୍ଟର ଫାଇନାଲ ଯିବା ବାକି ଅଛି । ପୂର୍ବରୁ ଅଷ୍ଟ୍ରେଲିଆ, ବେଲଜିୟମ, ନେଦରଲ୍ୟାଣ୍ଡସ ଓ ଇଂଲଣ୍ଡ ଗ୍ରୁପ ବିଜେତା ଭାବେ ସିଧାସଳଖ କ୍ୱାର୍ଟରରେ ପହଞ୍ଚି ସାରିଛନ୍ତି। ଏବେ ବିଭିନ୍ନ ଗ୍ରୁପରେ ଦ୍ୱିତୀୟ ଓ ତୃତୀୟ ସ୍ଥାନରେ ଥିବା ଦଳଗୁଡ଼ିକ କ୍ରସଓଭର ମ୍ୟାଚ ଖେଳିବେ ।
