ଫିଫା ବିଶ୍ୱକପ୍ ୨୦୨୨ : ଇତିହାସରେ ପ୍ରଥମ ଥର ପାଇଁ ଉଦଘାଟନୀ ମ୍ୟାଚ ହାରିଲା ଆୟୋଜକ ଦଳ, ଜାଣନ୍ତୁ ଖେଳର ପୂରା ଘଟଣାକ୍ରମ

ନୂଆଦିଲ୍ଲୀ : ଫିଫା ବିଶ୍ୱକପ୍ ୨୦୨୨ ଆରମ୍ଭ ହୋଇସାରିଛି । ଏହି ଟୁର୍ଣ୍ଣାମେଣ୍ଟର ପ୍ରଥମ ମ୍ୟାଚରେ ଇକ୍ୟୁଏଡର୍ ଆୟୋଜକ କାତାରକୁ ୨-୦ରେ ପରାସ୍ତ କରି ଏକ ଭଲ ଆରମ୍ଭ କରିଛି । ପ୍ରଥମାର୍ଦ୍ଧରେ ଇକ୍ୟୁଏଡର୍ ୨-୧ରେ ଆଗୁଆ ଥିଲା, ଯାହା ସେମାନଙ୍କ ପାଇଁ ଯଥେଷ୍ଟ ପ୍ରମାଣିତ ହୋଇଥିଲା । ଇକ୍ୟୁଏଡର୍ ପାଇଁ ଏନର୍ ଭାଲେନ୍ସିୟା ଉଭୟ ଗୋଲ୍ ସ୍କୋର କରିଛନ୍ତି । ନିଜ ଦଳ ପାଇଁ ମ୍ୟାଚ୍ ଜିତିବାରେ ଏନର୍ ଭାଲେନ୍ସିୟା ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲେ । ଏହା ସହିତ ଏନର୍ ଭାଲେନ୍ସିୟା ବିଶ୍ୱକପରେ ୪ଟି ଗୋଲ ସ୍କୋର କରିଥିବା ଇକ୍ୟୁଏଡର୍ ପାଇଁ ପ୍ରଥମ ଖେଳାଳି ହୋଇପାରିଛି ।

ମ୍ୟାଚର ତୃତୀୟ ମିନିଟରେ ଇକ୍ୟୁଏଡର୍ ଗୋଲ୍ ସ୍କୋର କରିଥିଲା । କିନ୍ତୁ ରେଫରି ଭିଏଆର ମାଧ୍ୟମରେ ଗୋଲ୍ ବାତିଲ୍ ଘୋଷଣା କରିଥିଲେ । ଏହି ଗୋଲକୁ ଭାଲେନ୍ସିଆ କରିଥିଲେ । ୧୬ ତମ ମିନିଟରେ ଏନର୍ ଭାଲେନ୍ସିୟା ପେନାଲ୍ଟି କର୍ଣ୍ଣରକୁ ଏକ ଗୋଲରେ ପରିଣତ କରି ନିଜ ଦଳକୁ ୧-୦ରେ ଆଗରେ ରଖିଥିଲେ । ୩୧ ତମ ମିନିଟରେ ଏନର୍ ଭାଲେନ୍ସିୟା ଏକ ଚମତ୍କାର ହେଡର୍ ସହିତ ନିଜ ଦଳକୁ ୨-୦ରେ ଆଗରେ ରଖିଥିଲେ । ଏହି ଗୋଲ୍ କାତାରର ଡିଫେନ୍ସଙ୍କ ଭୁଲ୍ ଯୋଗୁଁ ହୋଇଥିଲା । କାରଣ କେହି ବି ଭାଲେନ୍ସିଆକୁ ମାର୍କ କରିନଥିଲେ । 

ଦ୍ୱିତୀୟାର୍ଦ୍ଧରେ କାତାରର ଖେଳ ପ୍ରଥମାର୍ଦ୍ଧ ଅପେକ୍ଷା ବହୁତ ଭଲ ଥିଲା । ସେମାନେ କ୍ରମାଗତ ଭାବରେ ସୁଯୋଗ ସୃଷ୍ଟି କରିବାକୁ ଚେଷ୍ଟା କରିଥିଲେ । ୬୭ ତମ ମିନିଟରେ ପେଡ୍ରୋ ମିଗୁଏଲ୍ କାତାର ପାଇଁ ଗୋଲ୍ ସ୍କୋର କରି ବହୁତ ଆଶା ବଢ଼ାଇଥିଲେ । କିନ୍ତୁ ସେ ସଫଳ ହୋଇପାରିନଥିଲେ । ଏହି ସମୟରେ ଇକ୍ୟୁଏଡର୍ ମଧ୍ୟ ଏହିପରି ଗୋଟିଏ କିମ୍ବା ଦୁଇଟି ମୁଭ୍ କରିଥିଲା, ଯାହା କାତାରର ପ୍ରଶଂସକମାନଙ୍କ ହୃଦୟ ସ୍ପନ୍ଦନ ବଢ଼ାଇ ଦେଇଥିଲା । କିନ୍ତୁ ଡିଫେନ୍ସ ସେମାନଙ୍କ ଦଳକୁ ରକ୍ଷା କରିଥିଲା । ଅନ୍ତିମ କିଛି ମିନିଟରେ କାତାର ଦଳ ଅଧିକ ଆକ୍ରମଣାତ୍ମକ ଦେଖାଯାଉଥିବାବେଳେ ଇକ୍ୟୁଏଡର୍ ପ୍ରତିରକ୍ଷା ଆଭିମୁଖ୍ୟ ଗ୍ରହଣ କରିଥିଲା ।

ଏଠାରେ କହି ରଖୁଛୁ ଯେ, ଫିଫା ବିଶ୍ୱକପ୍ ୨୦୨୨ର ଆରମ୍ଭ ଅଲ ବାଇଟ ଷ୍ଟାଡିୟମରେ ଏକ ରଙ୍ଗୀନ କାର୍ଯ୍ୟକ୍ରମରେ ସହ ହୋଇଥିଲା । ଏହାପୂର୍ବରୁ ଷ୍ଟାଡିୟମରେ ଉପସ୍ଥିତ ପ୍ରାୟ ୬୦ ହଜାର ପ୍ରଶଂସକ ବିଶ୍ୱକପ ଟ୍ରଫିର ଝଲକ ପାଇଥିଲେ । ଯାହା ପରେ ଏହି ଉଦଘାଟନୀ ସମାରୋହ ଆରମ୍ଭ ହୋଇଥିଲା । ଅଲ ବାଇଟ ଷ୍ଟାଡିୟମରେ ବହୁ ସଂଖ୍ୟାରେ ପ୍ରଶଂସକଙ୍କ କୋଳାହଳ ମଧ୍ୟରେ ଏହି କାର୍ଯ୍ୟକ୍ରମ ଆରମ୍ଭ ହୋଇଥିଲା । ଏହି ସମୟରେ ଷ୍ଟାଡିୟମରେ ଉପସ୍ଥିତ ପ୍ରଶଂସକଙ୍କ ଉତ୍ସାହ ଦେଖିବାକୁ ମିଳିଥିଲା ।