ବାପା ହେବେ ବରୁଣ, ପତ୍ନୀଙ୍କ ବେବି ବମ୍ପକୁ କିସ୍ କରୁଥିବାର ଆସିଲେ ନଜର
ମୁମ୍ଵାଇ : ବାପା ହେବେ ବଲିଉଡ ଅଭିନେତା ବରୁଣ ଧାୱନ । ଘରକୁ ଆସିବ କୁନି ଅତିଥି । ପତ୍ନୀଙ୍କ ବେବି ବମ୍ପକୁ କିସ୍ କରୁଥିବାର ଆସିଲେ ନଜର । ବର୍ତ୍ତମାନ ତାଙ୍କର ଏହି ପୋଷ୍ଟ ସମସ୍ତ ପ୍ରଶଂସକଙ୍କୁ ଆଶ୍ଚର୍ଯ୍ୟ କରିଛି। ପ୍ରଶଂସକମାନେ ଏହି ଖବର ଶୁଣି ବହୁତ ଖୁସି ରହିଛନ୍ତି।
ବରୁଣ ଧାୱନ ଏବଂ ନତାଶା ଦଲାଲ୍ ଖୁବ୍ ଶୀଘ୍ର ପିତାମାତା ହେବାକୁ ଯାଉଛନ୍ତି। ଦମ୍ପତିଙ୍କ ଘରକୁ କୁନି ଅତିଥି ଆସିବାକୁ ଯାଉଛି। ଏକ ପଟୋ ସେୟାର କରି ବରୁଣ ଏହା ପ୍ରକାଶ କରିଛନ୍ତି। ଅଭିନେତା ନିଜେ ତାଙ୍କ ପ୍ରଶଂସକଙ୍କୁ ତାଙ୍କ ପତ୍ନୀଙ୍କ ଗର୍ଭଧାରଣ ବିଷୟରେ ସୂଚନା ଦେଇଛନ୍ତି। ସେ ଏକ କଳା ଏବଂ ଧଳା ଫଟୋ ସେୟାର କରିଛନ୍ତି, ଯେଉଁଥିରେ ନତାଶା ତାଙ୍କ ବେବି ବମ୍ପରେ ନଜର ଆସିଥିଲେ। ଏହି ସୁନ୍ଦର ଫଟୋ ସେୟାର କରିବାବେଳେ, ବରୁଣ କ୍ୟାପସନରେ ଲେଖିଥିଲେ, ‘ଆମେ ଗର୍ଭବତୀ , ତୁମର ସମସ୍ତ ଆଶୀର୍ବାଦ ଏବଂ ପ୍ରେମ ଦରକାର #myfamilymystrength ।’
ବରୁଣଙ୍କ ପୋଷ୍ଟ ବାହାରକୁ ଆସିବା ମାତ୍ରେ ଖୁବ୍ ଭାଇରାଲ ହୋଇଛି। ପ୍ରଶଂସକଙ୍କ ସହ ଅନେକ ସେଲିବ୍ରେଟ୍ ମଧ୍ୟ ଅଭିନେତାଙ୍କୁ ଶୁଭେଚ୍ଛା ଜଣାଇଛନ୍ତି। ଜାହ୍ନବୀ କପୁର ଅଭିନେତା ପୋଷ୍ଟରେ ଏକ ହାର୍ଟ ଇମୋଜି ସେୟାର କରିଛନ୍ତି। ମଲାଇକା ଆରୋରା, କରଣ ଜୋହର ଏବଂ ଅର୍ଜୁନ କପୁର ଭଳି ଅନେକ ତାରକା ମଧ୍ୟ ଏହି ଦମ୍ପତିଙ୍କୁ ବିଭିନ୍ନ ଢଙ୍ଗରେ ଅଭିନନ୍ଦନ ଜଣାଇଛନ୍ତି।
