ଟଙ୍କା ଦେବାକୁ ମନା କରିବାରୁ ପୁଅର ଟାଙ୍ଗିଆ ଚୋଟରେ ବାପା ମୃତ
କରଞ୍ଜିଆ : ମୟୂରଭଞ୍ଜ ଜିଲା କରଞ୍ଜିଆ ବ୍ଲକ୍ ଧୋକଟା ଗାଁରେ ଅଭାବନୀୟ ଘଟଣା । ଟଙ୍କା ପାଇଁ ବାପାର ଜୀବନ ନେଲା ପୁଅ। ନୃଶଂସ ଭାବେ ଟାଙ୍ଗିଆରେ ଜନ୍ମକଲା ବାପାର ମୁଣ୍ଡକୁ ହାଣିବାରୁ ଘଟଣାସ୍ଥଳରେ ବାପା ମୃତ। ଅପରାଧ ଘଟାଇବା ପରେ ପିତୃହନ୍ତା ପୁଅ ବିକାଶ ନାଏକ ପୋଲିସ ନିକଟରେ ଆତ୍ମସମର୍ପଣ କରିଛି।
ସୂଚନା ଯେ, ବିକାଶ ରାସ୍ତା ସମ୍ପ୍ରସାରଣ ପାଇଁ ମିଳିଥିବା କ୍ଷତିପୂରଣ ଟଙ୍କାକୁ ବାପାଙ୍କୁ ମାଗିଥିଲା। କିନ୍ତୁ ଟଙ୍କା ଦେବାକୁ ପଞ୍ଚାନନ ମନା କରିବାରୁ ଦୁହିଁଙ୍କ ମଧ୍ୟରେ ପାଟିତୁଣ୍ଡ ହୋଇଥିଲା। ପରେ ଏହି ଝଗଡ଼ା ଉଗ୍ରରୂପ ନେଇଥିଲା। ଶେଷରେ ଉତ୍ୟକ୍ତ ହୋଇ ବିକାଶ ଏକ ଟାଙ୍ଗିଆରେ ପଞ୍ଚାନନଙ୍କ ମୁଣ୍ଡକୁ ଆଘାତ କରିଥିଲା। ଫଳରେ ଘଟଣାସ୍ଥଳରେ ତାଙ୍କର ମୃତ୍ୟୁ ହୋଇଛି। ଏହାପରେ ହତ୍ୟାକାରୀ ପୁଅ ବିକାଶ ସ୍ଥାନୀୟ ଚଢେଇଭୋଳ ଫାଣ୍ଡିରେ ଆତ୍ମସମର୍ପଣ କରିଛି। ଘଟଣାସ୍ଥଳରେ ପୋଲିସ ପହଞ୍ଚି ଶବ ଜବତ କରିବା ଅଧିକ ତଦନ୍ତ ଜାରି ରଖିଛି।
