ବିଜେବି କଲେଜ ଷ୍ଟ୍ରଙ୍ଗରୁମ୍ ସମ୍ମୁଖରେ ଉତ୍ତେଜନା, ଲାଠି ଚାର୍ଜ
ଭୁବନେଶ୍ବର : ରାଜଧାନୀରେ ଭୋଟ ଗଣତି ପୂର୍ବରୁ ଗଣ୍ଡଗୋଳ। ବିଜେବି କଲେଜ ଷ୍ଟ୍ରଙ୍ଗରୁମ୍ ସମ୍ମୁଖରେ ଗଣ୍ଡଗୋଳ ଓ ଉତ୍ତେଜନାମୂଳକ ପରିସ୍ଥିତି ଦେଖିବାକୁ ମିଳିଛି। ବିଜେପି କର୍ପୋରେଟର ପ୍ରାର୍ଥୀ ଓ ସମର୍ଥକଙ୍କ ସହ ପୋଲିସ ମୁହାଁମୁହିଁ ହୋଇଥିବା ସୂଚନା। ସ୍ଥିତି ନିୟନ୍ତ୍ରଣ ପାଇଁ ପୋଲିସ ଲାଠିଚାର୍ଜ କରିବା ସହ ବିକ୍ଷୋଭକାରୀଙ୍କ ଆକ୍ରମଣରେ ଜଣେ ଯୁବକ ଆହତ ହୋଇଥିବା ଜଣାପଡିଛି । ତେବେ ଷ୍ଟ୍ରଙ୍ଗରୁମ୍ରେ ଜଣେ ଯୁବକ ପଶିଥିବା ନେଇ ବିଜେପିର ଅଭିଯୋଗ କରିଛି। ଗଣତି ପୂର୍ବରୁ ଅନିୟମିତତା ନେଇ ବିଜେପି ଅଭିଯୋଗ କରିଛି।
ସୂଚନା ଯେ, ବିଜେବି କଲେଜ ଷ୍ଟ୍ରଙ୍ଗ ରୁମ ବାହାରେ ଲାଗିଥିବା ସିସିଟିଭି ଏଲଇଡି କିଛି ସମୟ ପାଇଁ ବନ୍ଦ ହୋଇଯିବାରୁ ପାଟିତୁଣ୍ଡ ହୋଇଥିଲା। ଲାଇନ କଟିଯାଇଥିବାରୁ ଷ୍ଟ୍ରଙ୍ଗ ରୁମ ଭିତରେ କିଛି ସନ୍ଦେହ ଜନକ କାର୍ଯ୍ୟକଳାପ ହେଉଥିବା ନେଇ ଅଭିଯୋଗ ହୋଇଛି। ଷ୍ଟ୍ରଙ୍ଗ ରୁମ ବାହାରେ ଥିବା ଏଜେଣ୍ଟମାନେ ଏନେଇ ସୁରକ୍ଷା କର୍ମୀଙ୍କ ନିକଟରେ ଅଭିଯୋଗ ପରେ ତ୍ରୁଟିକୁ ସଜଡ଼ାଯାଇଛି। ତେବେ ବେଶ କିଛି ସମୟ ପାଟିତୁଣ୍ଡ ପରେ ପରିସ୍ଥିତି ଶାନ୍ତ ପଡିଥିବା ଜଣାପଡିଛିି।
