କୂଅରୁ ଉଦ୍ଧାର ହେଲା ହାତୀ
ବାରିପଦା : ମୟୂରଭଞ୍ଜ ଜିଲା ବାଙ୍ଗିରିପୋଷୀ ବ୍ଲକ ଟେମ୍ବତଲା ଗାଁରେ ଥିବା ୨୦ ଫୁଟ୍ର କୂଅରୁ ଉଦ୍ଧାର ହେଲା ଏକ ହାତୀ । ୫ ଘଣ୍ଟାର ପରିଶ୍ରମ ପରେ ବନ ବିଭାଗକୁ ଏହି ସଫଳତା ମିଳିଛି ।
ସୂଚନା ଯେ, ଶନିବାର ବିଳମ୍ବିତ ରାତିରେ ଟେମ୍ବତଲା ଗାଁକୁ ପଶିଆସିଥିଲେ ୮ଟିକିଆ ହାତୀପଲ। ଗାଁ ଲୋକେ ହାତୀପଲଙ୍କୁ ଘଉଡାଇବା ବେଳେ ଗୋଟିଏ ହାତୀ ଏକ ୨୦ଫୁଟ୍ ଗଭୀର କୂଅରେ ପଡିଯାଇଥିଲା। ଖବରପାଇ ବନ ବିଭାଗ ଘଟଣାସ୍ଥଳରେ ପହଞ୍ଚି ହାତୀଟିକୁ ଉଦ୍ଧାର ପାଇଁ ଚେଷ୍ଟା କରିଥିଲେ ହେଁ ପରି ନଥିଲେ । ପରେ ଜେସିବିର ସାହାଯ୍ୟ ନେଇ ଦୀର୍ଘ ୫ ଘଣ୍ଟାର ଅକ୍ଲାନ୍ତ ପରିଶ୍ରମ ପରେ ହାତୀଟିକୁ ସୁରକ୍ଷିତ ଭାବେ ଉଦ୍ଧାର କରିଛି। ତେବେ ହାତୀଟି କୂଅ ଭିତରେ ପଡି ରକ୍ତାକ୍ତ ହୋଇଯାଇଥିଲା ।
