ରାଜଧାନୀରେ ବୁଲୁଛି ହାତୀ, ରାତି ଅଧରେ ପଶି ଭାଙ୍ଗିଲା ପାଚେରୀ
ଭୁବନେଶ୍ୱର : ରାଜଧାନୀରେ ବୁଲୁଛି ହାତୀ । ଭୁବନେଶ୍ବର ସହର ଭିତରକୁ ପଶିଆସିଲା ହାତୀ । ଭରତପୁର ସମ ହସ୍ପିଟାଲ ପୁରୁଣା ରୋଡ଼ରେ ହାତୀ ଆତଙ୍କ । ରାତି ଅଧରେ ପଶି ଭାଙ୍ଗିଲା ପାଚେରୀ । ସିସିଟିଭିରେ କଏଦ ହୋଇଛି ଚିତ୍ର। ଗତକାଲି ରାତିରେ ହାତୀଟି କଲୋନୀରେ ପଶି ଗେଟ୍କୁ ହଲାଇଥିଲା । ସହର ଭିତରେ ହାତୀ ପଶି ପାଚେରୀ ଭାଙ୍ଗିବା ସହ ଗ୍ରୀଲକୁ ଶୁଣ୍ଢରେ ଭାଙ୍ଗି ଦେଇଥିବା ଦେଖିବାକୁ ମିଳିଛି । ଶବ୍ଦ ଶୁଣି ଲୋକେ ଘରୁ ବାହାରି ଦେଖିବାରୁ ହାତୀ ବୁଲୁଛି । ଫଳରେ ଲୋକେ ଭୟଭୀତ ହୋଇପଡିଥିଲେ । ଖବର ପାଇ ବନବିଭାଗ ଘଟଣାସ୍ଥଳରେ ପହଞ୍ଚି ଜଙ୍ଗଲକୁ ଘଉଡାଇ ଦେଇଛି ।
ତେବେ ଚନ୍ଦକା ଜଙ୍ଗଲ ପଟୁ ପାଚେରୀ ଡେଇଁ ହାତୀ ସହର ଭିତରକୁ ପଶି ଆସିଥିବା ସନ୍ଦେହ କରାଯାଉଛି । ହାତୀକୁ ଦେଖି ସ୍ଥାନୀୟ ଅଞ୍ଚଳର ଲୋକେ ଆତଙ୍କିତ ଅବସ୍ଥାରେ ରହିଛନ୍ତି । ପ୍ରଥମ ଥର ଏହି ଅଞ୍ଚଳରେ ହାତୀ ପଶିଥିବା ସ୍ଥାନୀୟ ଲୋକ କହିଥିବା ଜଣାପଡିଛି । ସିସିଟିଭିରେ ହାତୀ ବୁଲୁଥିବା ବେଳର ଭିଜୁଆଲ କଏଦ ହୋଇଥିବା ଜଣାପଡିଛି । ତେବେ ଖବର ପାଇ ବନ ବିଭାଗ ଉକ୍ତ ଅଞ୍ଚଳରେ ପହଞ୍ଚିଛି । ହାତୀର ଗତିବିଧି ଲକ୍ଷ୍ୟ କରିବା ପାଇଁ ବନ ବିଭାଗ ସଜାଗ ରହିଛି । ହାତୀ ଘଉଡେଇବା ପାଇଁ ବନ ବିଭାଗ ପକ୍ଷରୁ ଉଦ୍ୟମ କରାଯାଉଥିବା ଜଣାପଡିଛି ।
