ମାଲବାହୀ ଟ୍ରେନ ଧକ୍କାରେ ହାତୀ ଗୁରୁତର
କେନ୍ଦୁଝର : କେନ୍ଦୁଝର ଜିଲ୍ଲା ଶଗଡ଼ପଟା ଷ୍ଟେସନ ନିକଟରେ ଏକ ମାଲବାହୀ ଟ୍ରେନ ଧକ୍କାରେ ହାତୀ ଗୁରୁତର ହୋଇପଡିଛି। ହାତୀଟି ଲାଇନ୍ ପାର୍ ହେଉଥିବା ବେଳେ ଏହି ଅଘଟଣ ଘଟିଥିଲା ।
ସୂଚନା ଯେ, ଶନିବାର ରାତି ପାଖାପାଖି ୯ଟା ସମୟରେ ଦନ୍ତା ହାତୀଟି ଟ୍ରେନ ଲାଇନ ପାର ହେଉଥିଲା । ଏହି ସମୟରେ ଏକ ମାଲବାହୀ ଟ୍ରେନ ତାକୁ ଧକ୍କା ଦେଇଥିଲା । ଯାହାଫଳରେ ହାତୀଟି ଗୁରୁତର ହୋଇ ପଡିଛି । ତେବେ ବର୍ତମାନ ପର୍ଯ୍ୟନ୍ତ ଦୁର୍ଘଟଣାଟି କିଭଳି ଘଟିଲା ତାହା ଜଣାପଡିନାହିଁ । ଅନ୍ୟପକ୍ଷରେ ଖବର ପାଇ ବନ ବିଭାଗ କର୍ମଚାରୀ ଘଟଣା ସ୍ଥଳରେ ପହଁଚି ହାତୀଟିକୁ ଉଦ୍ଧାର କରିଛନ୍ତି । ବନ ବିଭାଗ ମେଡିକାଲ୍ ଟିମ୍ କୁ ଖବର ଦେବା ପରେ ଘଟଣାସ୍ଥଳରେ ଜିଲ୍ଲା ପ୍ରାଣୀ ଚିକିତ୍ସକ ଟିମ୍ ପହଂଚି ହାତୀଟିକୁ ଚିକିତ୍ସା କରୁଛନ୍ତି । ଚିକିତ୍ସକଙ୍କ ସୁଚନା ଅନୁଯାୟୀ ହାତୀଟିର ଶରୀରରେ ଓ ପଛ ଡାହାଣ ଗୋଡଟିରେ ଶକ୍ତ ଆହାତ ହୋଇଛି । ଯାହାଫଳରେ ହାତୀଟି ଗୁରୁତର ହୋଇପଡିଛି ।
