ସାରୁଗାଁରେ ପଦଯାତ୍ରାରେ ବିଜେଡି ନେତାଙ୍କ ଦମ୍ଭୋକ୍ତି; ଜନ୍ମ ଠାରୁ ମୃତ୍ୟୁ ପର୍ଯ୍ୟନ୍ତ ଯୋଜନା ପ୍ରଣୟନ କରିଛନ୍ତି ନବୀନ
ଖଇରା : ବାଲେଶ୍ୱର ଜିଲା ଖଇରା ବ୍ଲକ ଅଧୀନ ସାରୁଗାଁ ପଞ୍ଚାୟତ ବିଜେଡି ଆନୁକୂଲ୍ୟରେ ଶୁକ୍ରବାର ଦିନ ପଦଯାତ୍ରା ଓ ପ୍ରତିଭା ସମ୍ବର୍ଦ୍ଧନା କାର୍ଯ୍ୟକ୍ରମ ଅନୁଷ୍ଠିତ ହୋଇ ଯାଇଛି । ବ୍ଲକ ବିଜୁ ଛାତ୍ର ଜନତା ସଭାପତି ଗୌତମ ରାଉତଙ୍କ ନେତୃତ୍ୱରେ ଶହ ଶହ ମହିଳା ଓ ପୁରୁଷଙ୍କର ପଦଯାତ୍ରା ସାରୁଗାଁ ପଞ୍ଚାୟତ ପରିକ୍ରମା କରିଥିଲା । ପରେ ତିଳଦା ସ୍କୁଲ ପଡିଆରେ ବିଜେଡି ସଭାପତି ବ୍ରଜ କିଶୋର ମହାନ୍ତିଙ୍କ ଅଧ୍ୟକ୍ଷତାରେ ଆୟୋଜିତ ସଭାରେ ଙ୍କ ଆୟୋଜିତ ସଭାରେ ବିଧାୟକ ଜ୍ୟୋତି ପ୍ରକାଶ ପାଣିଗ୍ରାହୀ,ଜିଲା ପରିଷଦ ସଭ୍ୟା ରଶ୍ମିତା ମହାପାତ୍ର,ମହିଳା ସଭାପତି ଜୟନ୍ତୀ ମହଲା,ବରିଷ୍ଠ ନେତା ଜିତେନ୍ଦ୍ର କୁମାର ବେହେରା,ସମିତି ସଭ୍ୟା ଭାରତୀ ବେହେରା ପ୍ରମୁଖ ଯୋଗ ଦେଇ ବିଜେଡି ସରକାରର ୨୫ବର୍ଷରେ ରାଜ୍ୟରେ ପ୍ରଣୟନ ହୋଇଥିବା ଜନ୍ମ ଠାରୁ ମୃତ୍ୟୁ ପର୍ଯ୍ୟନ୍ତ ବିଭିନ୍ନ ଯୋଜନା ଉପରେ ଆଲୋକପାତ କରିଥିଲେ । ପରେ ବିଧାୟକ ଏହି ପଞ୍ଚାୟତ ଅଧୀନ ରାଉତରାୟପୁର ଗ୍ରାମରେ ଓଡିଶା ପ୍ରଶାସନିକ ସେବା ପରୀକ୍ଷା ୧୬ନମ୍ବର ର୍ୟାଙ୍କ ରଖି କୃତିତ୍ୱ ଅର୍ଜନ କରିଥିବା ବିଶ୍ୱଜିତ ପଣ୍ଡାଙ୍କୁ ବାସଭବନରେ ଭେଟି ସମ୍ବର୍ଦ୍ଧିତ କରିଥିଲେ ।
