ଡିଆରଏମ୍ଙ୍କ ରୂପସା ଷ୍ଟେସନ ପରିଦର୍ଶନ
ରୂପସା : ଦକ୍ଷିଣ ପୂର୍ବ ରେଳପଥ ଅଧୀନ ଖଡ଼ଗପୁର ଡିଭିଜନର ନୂତନ ଡିଆର୍ଏମ୍ ମହମ୍ମଦ ଏସ୍ ହାସମି ବାଲେଶ୍ୱର ଗସ୍ତରେ ଆସି ପ୍ରଥମଥର ରୂପସା ରେଳ ଷ୍ଟେସନ ପରିଦର୍ଶନ କରିଛନ୍ତି । ଏକ ସ୍ୱତନ୍ତ୍ର ଟ୍ରେନ୍ ଯୋଗେ ଆସି ସେ ଷ୍ଟେସନରେ ଓହ୍ଲାଇଥିଲେ । ବିଭିନ୍ନ ମହଲରୁ ତାଙ୍କୁ ସ୍ୱାଗତ ସମ୍ବର୍ଦ୍ଧନା ଜ୍ଞାପନ କରାଯାଇଥିଲା । ନୂତନ ଷ୍ଟେସନ ଗୃହ ନିର୍ମାଣ କାର୍ଯ୍ୟ, ତୃତୀୟ ଲାଇନ ସମ୍ପ୍ରସାରଣ କାର୍ଯ୍ୟ ତଦାରଖ କରିବା ସହ ପ୍ଲାଟଫର୍ମ, ଯାତ୍ରୀ ବିଶ୍ରାମାଗାର, ଫୁଟ ଓଭରବ୍ରିଜ, ଟିକେଟ କାଉଣ୍ଟର ଆଦି ବୁଲି ଦେଖିଥିଲେ । ଏହି ପରିଦର୍ଶନ ସମୟରେ ଷ୍ଟେସନ ମ୍ୟାନେଜର ଏସ୍କେ ପାଢ଼ୀ, ଆର୍ପିଏଫ୍ ଆଇଆଇସି କୁନ୍ଦନ କୁମାର ଝାଙ୍କ ସମେତ ଆସିଷ୍ଟାଣ୍ଟ ସିକ୍ୟୁରିଟି କମିଶନର ଓ ରେଳ ବିଭାଗ ଅଧିକାରୀ, ସିନିଅର ଇଞ୍ଜିନିୟର ପ୍ରମୁଖ ଉପସ୍ଥିତ ଥିଲେ । ପୂର୍ବତନ ଡିଆର୍ଏମ୍ ମନୋରଞ୍ଜନ ପ୍ରଧାନଙ୍କ ବଦଳି ପରେ ଗତ ୧୩ ତାରିଖରେ ନୂତନ ଡିଆର୍ଏମ୍ ଭାବେ ହାସମି ଯୋଗ ଦେବା ପରେ ପ୍ରଥମ ଥର ପାଇଁ ରୂପସା ଷ୍ଟେସନ ଗସ୍ତ କରି ବିଭିନ୍ନ ସମସ୍ୟା ସମ୍ପର୍କରେ ବିଭାଗୀୟ ଅଧିକାରୀଙ୍କ ସହ ଆଲୋଚନା କରିଥିଲେ ।
