ଆପଣଙ୍କର ଅଛି କି ଜନଧନ ଆକାଉଣ୍ଟ? ଶୀଘ୍ର କରନ୍ତୁ ଏହି କାମ, ସରକାର ଜାରି କଲେ ନିର୍ଦ୍ଦେଶ
ନୂଆଦିଲ୍ଲୀ : ପିଏମ ଜନଧନ ଆକାଉଣ୍ଟଧାରୀ ଅଟନ୍ତି, ତେବେ ଆପଣଙ୍କ ପାଇଁ ଏହା ହେଉଛି ବହୁତ ଗୁରୁତ୍ୱପୂର୍ଣ୍ଣ ଖବର । ଜନ ଧନ ଖାତାର ଆକାଉଣ୍ଟଧାରୀଙ୍କ ପାଇଁ ସରକାର ଏକ ନିର୍ଦ୍ଦେଶ ଜାରି କରିଛନ୍ତି, ଯଦି ଆପଣ ତାହା ଅନୁସରଣ ନକରନ୍ତି ତେବେ ଆପଣ ଏକ ଲକ୍ଷ ୩୦ ହଜାର ଟଙ୍କା କ୍ଷତି ସହିପାରନ୍ତି। ଏଥିପାଇଁ କେବଳ ଆପଣଙ୍କ ଆଧାର କାର୍ଡକୁ ଆପଣଙ୍କ ଜନ ଧନ ଆକାଉଣ୍ଟ ସହିତ ଲିଙ୍କ କରିବାକୁ ପଡି଼ବ।
ସରକାରଙ୍କ ସ୍ୱତନ୍ତ୍ର ଯୋଜନା ଅର୍ଥାତ୍ ଜନଧନ ଯୋଜନା ଆକାଉଣ୍ଟଧାରୀ ମଧ୍ୟ ଅନେକ ସୁବିଧା ସହିତ ୧ ଲକ୍ଷ ଟଙ୍କା ଦୁର୍ଘଟଣା ବୀମା ପାଇଥାନ୍ତି। କିନ୍ତୁ ଯଦି ଆପଣ ଆକାଉଣ୍ଟକୁ ଆଧାର କାର୍ଡ ସହିତ ଲିଙ୍କ୍ କରନ୍ତି ନାହିଁ, ତେବେ ଆପଣ ଏହି ସୁବିଧା ପାଇ ପାରିବେ ନାହିଁ । ଅର୍ଥାତ୍ ଏହା ଦ୍ୱାରା ଆପଣ ଏକ ଲକ୍ଷ ଟଙ୍କା ହରାଇବେ । ଏହା ବ୍ୟତୀତ, ଆପଣ ଏହି ଆକାଉଣ୍ଟରେ ତିରିଶି ହଜାର ଟଙ୍କା ଆକସ୍ମିକ ମୃତ୍ୟୁ ବୀମା କଭର ମଧ୍ୟ ପାଇପାରିବେ । ଯାହା କେବଳ ଆଧାର କାର୍ଡ ବ୍ୟାଙ୍କ ଆକାଉଣ୍ଟ ସହିତ ସଂଯୁକ୍ତ ହେଲେ ହିଁ ମିଳିପାରିବ।
ଆପଣ ବ୍ୟାଙ୍କକୁ ଯାଇ ଆଧାର ସହିତ ଆକାଉଣ୍ଟକୁ ଲିଙ୍କ୍ କରିପାରିବେ । ଏଥିପାଇଁ ଆପଣ ଆଧାର କାର୍ଡର ଏକ ଫଟୋ କପି, ଆପଣଙ୍କର ପାସବୁକ୍ ନେଇଯାଆନ୍ତୁ। ଅନେକ ବ୍ୟାଙ୍କ ବର୍ତ୍ତମାନ ଆକାଉଣ୍ଟ ମାଧ୍ୟମରେ ଆଧାର ସହିତ ଆକାଉଣ୍ଟକୁ ଲିଙ୍କ୍ କରୁଛନ୍ତି । ଷ୍ଟେଟ୍ ବ୍ୟାଙ୍କ ଅଫ୍ ଇଣ୍ଡିଆ (ଏସବିଆଇ) ଗ୍ରାହକମାନେ ସେମାନଙ୍କ ପଞ୍ଜୀକୃତ ମୋବାଇଲ୍ ନମ୍ବରରୁ ମେସେଜ୍ ବକ୍ସକୁ ଯାଇ UID ଆଧାର ନମ୍ବର ଆକାଉଣ୍ଟ ନମ୍ବର ଲେଖି 567676 କୁ ପଠାଇ ଦିଅନ୍ତୁ । ଆପଣଙ୍କ ବ୍ୟାଙ୍କ ଆକାଉଣ୍ଟ ଆଧାର ସହିତ ଜଡ଼ିତ ହୋଇଯିବ । ଆପଣଙ୍କର ଆଧାର କାର୍ଡ ଏବଂ ବ୍ୟାଙ୍କ ଆକାଉଣ୍ଟରେ ନମ୍ବର ଅଲଗା ଥିବ ତେବେ ଲିଙ୍କ୍ ହୋଇପାରିବ ନାହିଁ। ଏହାବାଦ୍ ଆପଣଙ୍କ ନିକଟତମ ଏଟିଏମ ଯୋଗେ ମଧ୍ୟ ବ୍ୟାଙ୍କ ଆକାଉଣ୍ଟ ସହ ଆଧାର ଲିଙ୍କ୍ କରାପାରିବେ। ଏଥିପାଇଁ ଆପଣଙ୍କୁ କିଛି ଆବଶ୍ୟକୀୟ ଡକ୍ୟୁମେଣ୍ଟ୍ ରଖିବା ବି ଆବଶ୍ୟକ । ଆଧାର କାର୍ଡ କିମ୍ବା ପାସପୋର୍ଟ କିମ୍ବା ଡ୍ରାଇଭିଂ ଲାଇସେନ୍ସ କିମ୍ବା ପାନ୍ କାର୍ଡ, ଭୋଟର କାର୍ଡ, NREGA ଜବ୍ କାର୍ଡ, ନାମ, ଠିକଣା ଏବଂ ଆଧାର ନମ୍ବର ଥିବା ପ୍ରାଧିକରଣ ଦ୍ୱାରା ଜାରି ଚିଠି, ଆକାଉଣ୍ଟ ଖୋଲିବାର ପ୍ରମାଣିତ ଫଟୋ ସହିତ ଗେଜେଟେଡ୍ ଅଧିକାରୀଙ୍କ ଦ୍ୱାରା ଜାରି ଚିଠି ରହିବା ଦରକାର।
ସୂଚନା ଯେ, ଗ୍ରାହକମାନେ ପ୍ରଧାନମନ୍ତ୍ରୀ ଜନଧନ ଆକାଉଣ୍ଟ ଜରିଆରେ ପାଞ୍ଚ ହଜାର ଟଙ୍କା ମୂଲ୍ୟର ଏକ ଓଭରଡ୍ରାଫ୍ଟ ସୁବିଧା ପାଇଛନ୍ତି। ଓଭରଡ୍ରାଫ୍ଟ ସୁବିଧାର ଲାଭ ଉଠାଇବା ପାଇଁ ଆଧାର କାର୍ଡ ରହିବା ଆବଶ୍ୟକ । କେବଳ ଏତିକି ନୁହେଁ, ଏଥିପାଇଁ PMJDY ଆକାଉଣ୍ଟକୁ ଆଧାର କାର୍ଡ ସହିତ ମଧ୍ୟ ଲିଙ୍କ୍ କରାଯିବା ଉଚିତ୍ । ଏହି ଯୋଜନା ଅଧୀନରେ ପିଏମ ମୋଦିଙ୍କ ଉଦ୍ଦେଶ୍ୟ ଥିଲା ପ୍ରତ୍ୟେକ ପରିବାର ପାଇଁ ଗୋଟିଏ ବ୍ୟାଙ୍କ ଆକାଉଣ୍ଟ ଖୋଲିବା । ଜନ ଧନ ଯୋଜନା ଅଧୀନରେ ଆପଣ ୧୦ ବର୍ଷରୁ କମ୍ ବୟସ୍କ ଶିଶୁର ଏକ ଆକାଉଣ୍ଟ୍ ମଧ୍ୟ ଖୋଲିପାରିବେ ।
