ନିର୍ଦ୍ଦେଶକ ରୁମି ଜାଫ୍ରି କରୋନା ସଂକ୍ରମିତ ଚିହ୍ନଟ
ମୁମ୍ବାଇ : ମହାମାରୀ କରୋନାରେ ବଲିଉଡ ଜଗତର ବହୁ କଳାକାର ସଂକ୍ରମିତ ହୋଇସାରିଛନ୍ତି । ଏହାରି ମଧ୍ୟରେ ନିର୍ଦ୍ଦେଶକ ରୁମି ଜାଫ୍ରି କରୋନା ସଂକ୍ରମିତ ଚିହ୍ନଟ ହୋଇଛନ୍ତି । ରୁମି ଜାଫ୍ରିଙ୍କ ଆଗାମୀ ଫିଲ୍ମ ‘ଚେହରେ’ ରିଲିଜ୍ ହେବାକୁ ଯାଉଛି କିନ୍ତୁ କରୋନା ପଜିଟିଭ୍ ଥିବାରୁ ସେ ଫିଲ୍ମର ପ୍ରମୋସନରୁ ଦୂରେଇ ଅଛନ୍ତି।
ଏନେଇ ସେ କହିଛନ୍ତି ଯେ, ‘ଅଗଷ୍ଟ ପ୍ରଥମ ସପ୍ତାହରେ ମୁଁ ମୋ ଝିଅର ବିବାହ ପାଇଁ ହାଇଦ୍ରାବାଦରେ ଥିଲି। ଏହି ବିବାହରେ ନୀତୁ କପୁର, ରଣଧୀର କପୁରଙ୍କ ସମେତ ମୋର ସମସ୍ତ ବନ୍ଧୁ ଯୋଗ ଦେଇଥିଲେ। ଭଗବାନଙ୍କୁ ଧନ୍ୟବାଦ ଯେ ମୁଁ ଅଗଷ୍ଟ ୧୫ ରେ କରୋନା ଭାଇରସ୍ ସଂସ୍ପର୍ଶରେ ଆସିଥିଲି ଏବଂ ବିବାହରେ ଯୋଗ ଦେଇଥିବା ସମସ୍ତ ବ୍ୟକ୍ତି ନିରାପଦରେ ନିଜ ଘରେ ପହଞ୍ଚିଯାଇଛନ୍ତି ।’ ରୁମି ବର୍ତ୍ତମାନ କ୍ୱାରେଣ୍ଟାଇନ୍ରେ ଅଛନ୍ତି ଏବଂ ଏହି ସପ୍ତାହରେ ସେ ପୁଣିଥରେ ଟେଷ୍ଟ କରିବେ । ସେ କହିଛନ୍ତି ଯେ ଯଦି ଟେଷ୍ଟ ନେଗେଟିଭ୍ ଆସେ ତେବେ ସେ ମୁମ୍ବାଇ ଫେରି ଆସିବେ ନଚେତ୍ ସେ ହାଇଦ୍ରାବାଦରେ ଫିଲ୍ମ ଦେଖିବେ। ରୁମି ଜାଫ୍ରିଙ୍କ ଫିଲ୍ମ ‘ଚେହରେ’ ଅଗଷ୍ଟ ୨୭ ରେ ରିଲିଜ୍ କରିବାକୁ ଯାଉଛି। ଏହି ଫିଲ୍ମରେ ମୁଖ୍ୟ ଭୂମିକାରେ ଅମିତାଭ ବଚ୍ଚନ ଏବଂ ଇମ୍ରାନ ହାଶମୀ ନଜର ଆସିବେ। ଅମିତାଭ ଏବଂ ଇମ୍ରାନଙ୍କ ବ୍ୟତୀତ ଅନ୍ନୁ କପୁର, ରଘୁବୀର ଯାଦବ, କ୍ରିଷ୍ଟଲେ ଡି’ସୁଜା ଏବଂ ସିଦ୍ଧାନ୍ତ କପୁର ମଧ୍ୟ ଏହି ଫିଲ୍ମରେ ନଜର ଆସିବେ। ଦୀର୍ଘ ସମୟ ପରେ ରିୟା ଚକ୍ରବର୍ତ୍ତୀଙ୍କୁ ଏହି ଫିଲ୍ମରେ ଦେଖିବାକୁ ମିଳିବ ।
