ଶିକ୍ଷକମାନଙ୍କୁ ସମ୍ମୁଖ ଯୋଦ୍ଧା ଭାବେ ଘୋଷଣା କରିବାକୁ ଦାବି
ଭୁବନେଶ୍ୱର : ଶିକ୍ଷକମାନଙ୍କୁ ସମ୍ମୁଖ ଯୋଦ୍ଧା ଘୋଷଣା କରାଯାଉ। ଅଲ ଓଡିଶା ଲୋୟର ମାଧ୍ୟମିକ ଶିକ୍ଷକ ସଂଘ (ଅଲୋସ୍ତା) ନିମ୍ନ ମାଧ୍ୟମିକ ଶିକ୍ଷକମାନଙ୍କୁ ଫ୍ରଣ୍ଟଲାଇନ କୋଭିଡ ଯୋଦ୍ଧା ଭାବରେ ଘୋଷଣା କରିବାକୁ ଦାବି କରିଛି।
ଆସୋସିଏସନର ସାଧାରଣ ସମ୍ପାଦକ ଏକ ପ୍ରେସ ବିଜ୍ଞପ୍ତି ମାଧ୍ୟମରେ କହିଛନ୍ତି ଯେ ସମଗ୍ର ରାଜ୍ୟରେ ଶିକ୍ଷକମାନେ କରୋନା କାର୍ଯ୍ୟରେ ନିୟୋଜିତ ଅଛନ୍ତି। ସେମାନେ କୋଭିଡ କେୟାର ସେଣ୍ଟର ଏବଂ କ୍ବାରେଣ୍ଟାଇନ ସେଣ୍ଟରରେ ନିଜ ଜୀବନକୁ ବିପଦରେ ପକାଉଛନ୍ତି। ସେମାନେ ବର୍ତ୍ତମାନ କରୋନାର ଦ୍ୱିତୀୟ ଲହର ଓ ସକଡାଉନ ସତ୍ତ୍ଵେ ବି ଡ୍ରପ୍ ଆଉଟ୍ ଜନଗଣନାରେ ନିୟୋଜିତ ଅଛନ୍ତି। ତେଣୁ ଶିକ୍ଷକମାନଙ୍କୁ ଫ୍ରଣ୍ଟଲାଇନ ଯୋଦ୍ଧା ଭାବରେ ଘୋଷଣା କରାଯିବା ଉଚିତ ବୋଲି ଆସୋସିଏସନର ମୁଖ୍ୟ ଜଗବନ୍ଧୁ ଜେନା କହିଛନ୍ତି ।
