କେନ୍ଦ୍ର ସରକାରଙ୍କ ଗାଇଡଲାଇନ ପାଳିବାକୁ ସବୁ ସ୍କୁଲକୁ ନିର୍ଦ୍ଦେଶ ଦେଲେ ଦିଲ୍ଲୀ ସରକାର
ନୂଆଦିଲ୍ଲୀ: ରାଜଧାନୀର ସମସ୍ତ ସରକାରୀ ଓ ବେସରକାରୀ ସ୍କୁଲକୁ କେନ୍ଦ୍ର ଶିକ୍ଷା ମନ୍ତ୍ରଣାଳୟ ଦ୍ୱାରା ଜାରି ହୋଇଥିବା ଗାଇଡଲାଇନକୁ ପାଳନ କରିବାକୁ ଦିଲ୍ଲୀ ସରକାର ନିର୍ଦ୍ଦେଶ ଦେଇଛନ୍ତି । ଗ୍ରୀଷ୍ମ ପ୍ରବାହକୁ ମୁକାବିଲା କରିବା ଲାଗି କେନ୍ଦ୍ର ସରକାର ଗାଇଡଲାଇନ ଜାରି କରିଥିଲେ । ଉକ୍ତ ଗାଇଡଲାଇନରେ ଖରା ଲାଗି ସାବଧାନତା ସହ ସ୍କୁଲ ସମୟ କମ୍ କରିବା ଓ ବାହ୍ୟ ଗତିବିଧି ଉପରେ ରୋକ ଲଗାଇବାକୁ ପ୍ରସ୍ତାବ ଦିଆଯାଇଥିଲା ।
ସୂଚନାଯୋଗ୍ୟ, ଦିଲ୍ଲୀରେ ତାପମାତ୍ରା ୪୫ ଡିଗ୍ରୀରୁ ଅଧିକ ରହିଛି । ସେଥିପାଇଁ ଦିଲ୍ଲୀର ଅଧିକାଂଶ ଘରୋଇ ସ୍କୁଲ ଗ୍ରୀଷ୍ମ ଛୁଟି ଘୋଷଣା କରିଥିବାବେଳେ ଆଉ କିଛି ସ୍କୁଲ ଅନଲାଇନ କ୍ଲାସ ଆରମ୍ଭ କରିଛନ୍ତି । କିନ୍ତୁ ଅଭିଭାବକ ବଢ଼ୁଥିବା ଗ୍ରୀଷ୍ମ ପ୍ରବାହକୁ ଦେଖି ସ୍କୁଲ ଛୁଟି ଘୋଷଣା କରିବା ଦାବୀକୁ ଦୋହରାଇଛନ୍ତି ।
