ବାଇକ୍ ଧକ୍କାରେ ହରିଣ ମୃତ, ଆରୋହୀ ଗୁରୁତର
କେନ୍ଦୁଝର : କେନ୍ଦୁଝର ଜିଲା ଆନନ୍ଦପୁର ଉପଖଣ୍ଡ ବରାଙ୍ଗ ସଂରକ୍ଷିତ ଜଙ୍ଗଲ ନିକଟରେ ଦୁର୍ଘଟଣା । ବାଇକ୍ ଧକ୍କାରେ ହରିଣର ମୃତ୍ୟୁ ହୋଇଥିବା ବେଳେ ବାଇକ୍ ଆରୋହୀ ଗୁରୁତର ହୋଇଛନ୍ତି । ଖବରପାଇ ବନବିଭାଗ କର୍ମଚାରୀ ଘଟଣାସ୍ଥଳରେ ପହଞ୍ଚି ତଦନ୍ତ ଜାରି ରଖିଛନ୍ତି ।
ସୂଚନା ଯେ, ରାଚନ୍ଦ୍ରପୁର ଥାନା ଦାନ୍ତିଆ ଗାଁର ଜଣେ ବ୍ୟକ୍ତି ପୁରୁଣାବାନ୍ଦୋଗଡ଼ା ରାସ୍ତା ଦେଇ ଯାଉଥିଲେ । ସେ ଯାଜପୁର କଳିଙ୍ଗନଗର ଶିଳ୍ପାଞ୍ଚଳ ଯାଉଥିଲେ । ଠିକ୍ ଏହି ସମୟରେ ଏକ ହରିଣ ଆସି ବାଇକ୍ ସହ ଧକ୍କା ହୋଇଥିଲା । ଫଳରେ ହରିଣର ଘଟଣାସ୍ଥଳରେ ମୃତ୍ୟୁ ହୋଇଯାଇଛି । ସେପଟେ ବାଇକ୍ ଆରୋହୀ ଆହତ ହୋଇ ଡାକ୍ତରଖାନାରେ ଭର୍ତ୍ତି ହୋଇଛନ୍ତି। ଦ୍ରୁତ ଗତିରେ ଗାଡିଚାଳନା ଯୋଗୁଁ ଏଭଳି ଅଘଟଣ ଘଟିଥିବା ଡିଏଫଓ କହିଛନ୍ତି ।
