ନାଳରୁ ଯୁବକଙ୍କ ମୃତଦେହ ଉଦ୍ଧାର, ହତ୍ୟା ସନ୍ଦେହ
ଉଦଳା : ମୟୁରଭଞ୍ଜ ଜିଲା ଉଦଳା ଥାନା ପୁରୁଣାପାଣି ଗାଁରେ ଅଘଟଣ । ନାଳରୁ ମିଳିଲା ଯୁବକଙ୍କ ମୃତଦେହ । ଗଳିତ ଅବସ୍ଥାରେ ମୃତଦେହ ପଡିଥିବା ବେଳେ ପାରିପାର୍ଶ୍ୱିକ ସ୍ଥିତିରୁ ଏହା ହତ୍ୟାକାଣ୍ଡ ବୋଲି ସନ୍ଦେହ କରାଯାଉଛି । ମୃତକଙ୍କ ନାମ ସିଦ୍ଧ କାର୍ଜି ବୋଲି ଜଣାପଡିଛି ।
ସୂଚନା ଯେ, ସିଦ୍ଧ ସ୍ଥାନୀୟ ଏକ ସିମେଣ୍ଟ ଗୋଦାମରେ କାମ କରନ୍ତି । ଗତ ୯ ତାରିଖରୁ ଘରୁ କାମକୁ ଆସି ଆଉ ଫେରିନଥିଲେ । ପରିବାର ଲୋକେ ବହୁ ଖୋଜାଖୋଜି ପରେ ବି ତାଙ୍କର କୌଣସି ପତ୍ତାମିଳିନଥିଲା । ଶେଷରେ ରବିବାର ଦିନ ଏକ ନାଳରେ ସିଦ୍ଧଙ୍କ ମୃତଦେହ ପଡିଥିବାର ଦେଖିଥିଲେ ସ୍ଥାନୀୟଲୋକେ । ଏହାପରେ ତୁରନ୍ତ ପୋଲିସକୁ ଖବର ଦେଇଥିଲେ । ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହକୁ ଜବତ କରିଛି । ତେବେ ପାରିପାର୍ଶ୍ଵିକ ସ୍ଥିତିରୁ ଏହା ହତ୍ୟାକାଣ୍ଡ ବୋଲି ସନ୍ଦେହ କରାଯାଉଛି । ମୃତକଙ୍କ ବାମ ଗୋଡ଼ରେ ଏକ ଗାମୁଛା ବନ୍ଧା ଯାଇଥିବା ବେଳେ ସେଥିରେ ଏକ ରଡ଼ ଲାଗିଥିବା ମଧ୍ୟ ଦେଖାଯାଇଛି । ଏହାସହିତ ମୃତକର ମୋବାଇଲ ପାଣିରେ ପଡ଼ିଥିବା ବେଳେ ମୁଣ୍ଡରେ କ୍ଷତ ଚି଼ହ୍ନ ରହିଛି । ତେବେ ଏହା ହତ୍ୟା ନା ଅପମୃତ୍ୟୁ ଘଟଣା । ତାହାର ତଦନ୍ତ କରୁଛି ପୋଲିସ ।
