ବାରିପଦା ସହରରେ ଆତଙ୍କ ଖେଳାଉଛି ଦନ୍ତା
ବାରିପଦା : ବାରିପଦା ସହରରେ ଆତଙ୍କ ଖେଳାଉଛନ୍ତି ଦନ୍ତା ହାତୀ । ଶନିବାର ସକାଳେ ସହରର ମୁର୍ଗବାଡି ଅଞ୍ଚଳରେ ଏକ ଦନ୍ତା ବୁଲୁଥିବା ଦେଖିବାକୁ ମିଳିଛି। ହାତୀଟି କୌଣସି କ୍ଷୟକ୍ଷତି ଘଟାଇ ନଥିବା ଜଣାପଡିଛି। ଏନେଇ ବାରିପଦା ବନ ବିଭାଗ ହାତୀର ଗତିବିଧି ଉପରେ ନଜର ରଖିଛନ୍ତି। ଏବେ ହାତୀଟି ଶଙ୍ଖାଭଙ୍ଗା ଅଞ୍ଚଳରେ ଥିବା ବନ ବିଭାଗ ପକ୍ଷରୁ ସୂଚନା ମିଳିଛି।
ଏହି ଝାଡ଼ଖଣ୍ଡି ଦନ୍ତାଟି ପଶ୍ଚିମବଙ୍ଗ ଆଡୁ ଦେଉଳି ଆଡ଼କୁ ଆସିଥିବାର ଅନୁମାନ କରାଯାଉଛି। ରାତି ସାରା ଏହା ଧାଡିପଡା, କୁଆବୁଡା ଅଞ୍ଚଳରେ ରହିଥିବା ବେଳେ ଶନିବାର ସକାଳେ ମୁନିସିବନ୍ଧ ଦେଇ ତକତପୁର ବିଶ୍ୱବିଦ୍ୟାଳୟ ସମ୍ମୁଖରେ ରହିଥିବାର ସୂଚନା ମିଳିଛି ।
