ମିତ୍ରସଂଘ ପକ୍ଷରୁ ନୃତ୍ୟ ପ୍ରତିଯୋଗିତା
ପୁରୀ : ପୁରୀର ସାମାଜିକ ଓ ସାଂସ୍କୃତିକ ଅନୁଷ୍ଠାନ ମିତ୍ରସଂଘ ପକ୍ଷରୁ ଅନ୍ନପୂର୍ଣ୍ଣା ରଙ୍ଗମଞ୍ଛ ଠାରେ ବିଦ୍ୟାଳୟ ସ୍ତରୀୟ ନୃତ୍ୟ ପ୍ରତିଯୋଗିତା ଅନୁଷ୍ଠିତ ହୋଇଯାଇଛି । ଏହାକୁ ଆନୁଷ୍ଠାନିକ ଭାବେ ମୁଖ୍ୟ ଅତିଥି ବିଜେଡ଼ି ରାଜ୍ୟ ଉପସଭାପତି ଶୁଭାଶିଷ ଖୁଂଟିଆ ଉଦ୍ଘାଟନ କରିଥିଲେ । ବିଶିଷ୍ଟ କବି ମାନସ ରଞ୍ଜନ ମହାପାତ୍ର,କବି ଆଲୋକ ପ୍ରଧାନ, ନାଟ୍ୟକାର ରାମକୃଷ୍ଣ ମହାପାତ୍ର, ସୁଶାନ୍ତ କୁମାର ମହାନ୍ତି,ସଂଘର ସଭାପତି ସୁବାସିନୀ ଶତପଥୀ ପ୍ରମୁଖ ଯୋଗଦେଇ ପୁରୀର ନୃତ୍ୟ କଳା ଉପରେ ଆଲୋକପାତ କରିଥିଲେ । ବିଶିଷ୍ଟ କବି ରକ୍ଷକ ନାୟକ,ସମାଜସେବୀ ପ୍ରତିମା ମିଶ୍ର,ଚକ୍ରଧର ମହାପାତ୍ର,ସଞ୍ଜୟ ବରାଳ,ସ୍ୃତିରଞ୍ଜନ ପତି,ଗୋପାଳ କୃଷ୍ଣ ପଣ୍ଡା ଭୀମସେନ ମାଝି ପ୍ରମୁଖ ଅତିଥି ଭାବେ ଯୋଗଦେଇ ନୃତ୍ୟ ପ୍ରତିଯୋଗୀଙ୍କୁ ଉତ୍ସାହିତ କରିଥିଲେ । ସଫଳ ପ୍ରତିଯୋଗୀମାନଙ୍କୁ ମାନପତ୍ର ଓ ଉପଢୌକନ ଦିଆଯାଇ ସମ୍ମାନିତ କରାଯାଇଥିଲା । ସମ୍ପାଦକ ରାଜୀବ ମହାପାତ୍ର କାର୍ଯ୍ୟକ୍ରମ ପରିଚାଳନା କରିଥିଲେ ।
