କ୍ରିକେଟର୍ ଶକିବ୍ ଅଲ୍ ହସନ୍କୁ କାରଣ ଦର୍ଶାଅ ନୋଟିସ୍ ଜାରି
ନୂଆଦିଲ୍ଲୀ : କ୍ରିକେଟର୍ ଶକିବ୍ ଅଲ୍ ହସନ୍କୁ କାରଣ ଦର୍ଶାଅ ନୋଟିସ୍ ଜାରି କଲା ବାଂଲାଦେଶ କ୍ରିକେଟ୍ ବୋର୍ଡ ବା ବିସିବି । ବାଂଲାଦେଶ ପ୍ରିମିୟର୍ ଲିଗ୍ ବା ବିପିଏଲ୍ର ଫ୍ରାଂଚାଇଜ୍ ଫର୍ଚ୍ୟୁନ୍ ବରିଶଲ୍ ଦଳର କ୍ୟାପ୍ଟେନ୍ ଶକିବ୍ ଅଲ୍ ହସନ୍ ଏକ ସୁଟ୍ରେ ସାମିଲ୍ ହେବା ପାଇଁ ବାୟୋବବଲ୍ ପ୍ରଟୋକଲ୍କୁ ଭାଙ୍ଗିବାକୁ ଅନୁମତି ଦେବା ନେଇ କାରଣ ଦର୍ଶାଅ ନୋଟିସ୍ ଜାରି ହୋଇଛି । ବିସିବିର ଅଧ୍ୟକ୍ଷ ନଜମୁଲ ହସନ୍ ଶୁକ୍ରବାର ଏନେଇ ସୂଚନା ଦେଇଛନ୍ତି ।
ଶକିବ୍ ବିପିଏଲ୍ର ଫାଇନାଲ୍ ମ୍ୟାଚ୍ ପୂର୍ବରୁ ଗୁରୁବାର କ୍ୟାପ୍େଟନ୍ଙ୍କ ଅଧିକାରୀକ ଫଟୋସୁଟ୍ ଏବଂ ପ୍ରଶିକ୍ଷଣ ପାଇଁ ନିୟମ ତ୍ୟାଗ କରିଥିଲେ । ଯାହାଦ୍ୱାରା ସେ ଏକ ମୃଦୁ ପାନୀୟ କମ୍ପାନୀ ପାଇଁ ସୁଟିଂରେ ଭାଗ ନେଇପାରିବେ । ନଜମୁଲ୍ ଶୁକ୍ରବାର ଗଣମାଧ୍ୟମକୁ ସୂଚନା ଦେଇ କହିଛନ୍ତି ଯେ, ଆମେ ପ୍ରଥମରୁ ହିଁ ଫ୍ରାଂଚାଇଜ୍କୁ କାରଣ ଦର୍ଶାଅ ନୋଟିସ୍ ଜାରି କରିଦେଇଛୁ । ଆମେ ତାଙ୍କୁ ବାୟୋ ବବଲ୍ ପ୍ରୋଟୋକଲ୍ ନିୟମକୁ ଜାରି ରଖିବା ପାଇଁ ନିର୍ଦ୍ଦେଶ ଦେଇଥିଲୁ । ହେଲେ ସେମାନେ ଏହାକୁ ଭଙ୍ଗ କରିଛନ୍ତି । ତେଣୁ ତାଙ୍କୁ କାରଣ ଦର୍ଶାଅ ନୋଟିସ୍ ଜାରି କରାଯାଇଛି ।
