ବିମାନ ଭିତରେ ସ୍ମୃତି ଇରାନୀଙ୍କୁ ଘେରିଲେ କଂଗ୍ରେସ ନେତ୍ରୀ, ସୋଶିଆଲ ମିଡିଆରେ ଭିଡିଓ ଭାଇରାଲ
ନୂଆଦିଲ୍ଲୀ : ବିମାନ ଭିତରେ ହଟହଟା ହେଲେ କେନ୍ଦ୍ରମନ୍ତ୍ରୀ ସ୍ମୃତି ଇରାନୀ। ପେଟ୍ରୋଲ, ଡିଜେଲ ଦର ବୃଦ୍ଧି ନେଇ ବିମାନ ଭିତରେ ସ୍ମୃତି ଇରାନୀଙ୍କୁ ପ୍ରଶ୍ନ କଲେ କଂଗ୍ରେସ ନେତ୍ରୀ ନୀତା ଡି ସୌଜା । କଂଗ୍ରେସ ନେତ୍ରୀଙ୍କ ପ୍ରଶ୍ନରେ ବିବ୍ରତ ହୋଇଯାଇଥିଲେ ସ୍ମୃତି ଇରାନୀ । ଏହାର ଭିଡିଓ ଏବେ ସୋଶିଆଲ ମିଡିଆରେ ଭାଇରାଲ ହେଉଛି ।
କଂଗ୍ରେସ ମହିଳା ମୋର୍ଚ୍ଚାର ନେତ୍ରୀ ନୀତା ଡି ସୌଜା ସ୍ମୃତି ଇରାଣୀଙ୍କୁ ତେଲ ଦର କଥା ପଚାରି ତାଙ୍କୁ ଅଡୁଆରେ ପକାଇଥିଲେ । ଦିଲ୍ଲୀ-ଗୌହାଟି ବିମାନରେ ଉଭୟ ନୀତା ଡି ସୌଜା ଏବଂ ସ୍ମୃତି ଇରାଣୀ ମୁହାଁମୁହିଁ ହୋଇଥିଲେ। ହଠାତ ତେଲ ଦର ପାଚାରିବାରୁ ସ୍ମୃତି ଇରାଣୀ କିଛି ଉତ୍ତର ଦେଇ ଥିଲେ ମଧ୍ୟ ତାହା ସନ୍ତୋଷଜନକ ନଥିଲା। ଫଳରେ ନୀତା ତାଙ୍କୁ ଛାଡ଼ି ନଥିଲେ। ଏହି ସମୟରେ ନିଜ ମୋବାଇଲରେ ଭିଡିଓ କରି ରେକର୍ଡ଼ କରିଥିଲେ କଂଗ୍ରେସ ନେତ୍ରୀ । ଏହାକୁ ନେଇ ନିଜ ଟ୍ୱିଟର ଆକାଉଣ୍ଟରେ ଅପଲୋଡ଼ କରିଛନ୍ତି ସେ। ସେ କହିଛନ୍ତି ଯେ, ଆଜି ମୋଦିଙ୍କ ମନ୍ତ୍ରିଙ୍କ ସହ ଭେଟ ହୋଇଥିଲା । ମୁଁ ତେଲ ଓ ଗ୍ୟାସ ଦର କଥା ପଚାରିବାରୁ ସ୍ମୃତି ଇଣାଣୀ ମାଗଣା ଟିକା ଓ ଗରିବଙ୍କୁ ମାଗଣା ରାସନ ପ୍ରଦାନକୁ ଦାୟୀ କରିଥିଲା। ଅନ୍ୟପକ୍ଷରେ କଂଗ୍ରେସ ନେତା ତାଙ୍କ ବାଟ ଅବରୋଧ କରୁଥିବା ସ୍ମୃତି ଇରାଣୀ ଅଭିଯୋଗ କରିଛନ୍ତି।
