ବାଲେଶ୍ୱର : ନୂତନ ଜିଲା କଂଗ୍ରେସ କର୍ମକର୍ତ୍ତାଙ୍କୁ ସମ୍ବର୍ଦ୍ଧନା
ବାଲେଶ୍ୱର : ବାଲେଶ୍ୱର ଜିଲା କଂଗ୍ରେସ କାର୍ଯ୍ୟାଳୟ ସମ୍ମିଳନୀ କକ୍ଷରେ ସଦର ବ୍ଲକ କଂଗ୍ରେସ କମିଟି ତରଫରୁ ବ୍ଲକ ସଭାପତି ଜୟକୃଷ୍ଣ ବେହେରାଙ୍କ ଅଧ୍ୟକ୍ଷତାରେ ବୁଧବାର ଏକ ସମ୍ବର୍ଦ୍ଧନା ସଭା ଅନୁଷ୍ଠିତ ହୋଇଥିଲା l ଏଥିରେ ସମ୍ମାନିତ ଅତିଥି ଭାବେ ରାଜ୍ୟ ମହିଳା କଂଗ୍ରେସ ସାଧାରଣ ସମ୍ପାଦିକା ଅର୍ଚନା ନନ୍ଦୀ, ଜିଲା ମହିଳା କଂଗ୍ରେସ ସଭାନେତ୍ରୀ ପ୍ରଜ୍ଞାପାରମିତା ମହାନ୍ତି, ଜିଲା ଛାତ୍ର କଂଗ୍ରେସ ସଭାପତି ଗୌତମ ସାହୁ ଉକ୍ତ ସମ୍ବର୍ଦ୍ଧନା ସଭାରେ ଯୋଗଦେଇ ନିଜ ନିଜର ବକ୍ତବ୍ୟ ରଖିଥିଲେ l
ଏହି ସଭାରେ ସଦର ନିର୍ବାଚନମଣ୍ଡଳୀରୁ ମନୋନୀତ ହୋଇଥିବା ବରିଷ୍ଠନେତା ଉପ-ସଭାପତି ଗୋପୀନାଥ ପାଢ଼ୀ, କାମରୁଲ ଅଲି ଖାନ, ସାଧାରଣ ସମ୍ପାଦକ ନଳିନୀ ରଞ୍ଜନ ଦାସ, ଦେବଦତ୍ତ ଦାସ, ତୁଷାରକାନ୍ତି ତପସ୍ୱୀ, ସମ୍ପାଦକ ଭାବରେ ଚିତ୍ତରଞ୍ଜନ ନାୟକ, ପଶୁପତି ଉପାଧ୍ୟାୟ, ମନୋରଞ୍ଜନ ନାୟକ, ଅଜିତ ଦାସ, ସେଖ ଅସଗର ଅଲି, ସରୋଜ ମହାନ୍ତିଙ୍କୁ ବ୍ଲକ ସଭାପତି ଓ ସମ୍ମାନିତ ଅତିଥିଙ୍କ ଦ୍ୱାରା ପୁଷ୍ପଗୁଚ୍ଛ ଦେଇ ସମ୍ବର୍ଦ୍ଧନା ଜ୍ଞାପନ କରାଯାଇଥିଲା l ଏବଂ ପିସିସି ସଭାପତି ନିରଞ୍ଜନ ପଟନାୟକ ଓ ସଂସଦୀୟ ନେତା ନବଜ୍ୟୋତି ପଟନାୟକ, ଜିଲା ସଭାପତି ସଞ୍ଜିବ ଗିରି ଏବଂ ସଦର ନିର୍ବାଚନମଣ୍ଡଳୀ ନେତ୍ରୀ ମମତା କୁଣ୍ଡୁଙ୍କୁ ଦଳ ପକ୍ଷରୁ କୃତଜ୍ଞତା ଜ୍ଞାପନ କରାଯାଇଥିଲା l ମନୋନୀତ ସମସ୍ତ ନେତା ଜିଲା ଓ ବ୍ଲକ କଂଗ୍ରେସ କମିଟିର ନିଷ୍ପତ୍ତିକୁ ମାନି ଏକଜୁଟ ହୋଇ ତୃଣମୂଳ ସ୍ତରରୁ କଂଗ୍ରେସ ଦଳକୁ ସଂଗଠିତ କରିବା ନିମିତ୍ତ କାର୍ଯ୍ୟ କରିବାକୁ ବକ୍ତବ୍ୟ ପ୍ରଦାନ କରି ଅଙ୍ଗୀକାରବଦ୍ଧ ହୋଇଥିଲେ l ଆଗାମୀ ନିର୍ବାଚନ ପ୍ରସ୍ତୁତି ଓ ସଫଳତା ନିମନ୍ତେ ‘ଟିମ ସଦର କଂଗ୍ରେସ’ ଏକ ରଣନୀତି ଓ କାର୍ଯ୍ୟଖସଡ଼ା ପ୍ରସ୍ତୁତ କରାଯାଇ ଅନୁମୋଦନ କରାଯାଇଥିଲା l
