ରାଜ୍ୟଗୋଷ୍ଠୀ କ୍ରୀଡ଼ା ୨୦୨୨ : ବିଜୟରୁ ଅଭିଯାନ ଆରମ୍ଭ କଲେ ଭାରତୀୟ ବ୍ୟାଡମିଣ୍ଟନ ଦଳ
ବର୍ମିଂହାମ : ରାଜ୍ୟଗୋଷ୍ଠୀ କ୍ରୀଡାରେ ବିଜୟରୁ ଅଭିଯାନ ଆରମ୍ଭ କରିଛନ୍ତି ଭାରତୀୟ ବ୍ୟାଡମିଣ୍ଟନ ଦଳ । ଗ୍ରୁପ ଏ’ ମିକ୍ସଡ ଟିମ ଇଭେଣ୍ଟର ପ୍ରଥମ ମ୍ୟାଚରେ ଭାରତ ୩-୦ରେ ପାକିସ୍ତାନକୁ ପରାସ୍ତ କରିଛି । ଗ୍ରୁପ୍ (ଏ) ପର୍ଯ୍ୟାୟ ପ୍ରଥମ ମୁକାବିଲାରେ ଭାରତୀୟ ଡବଲ୍ସ ଯୋଡି ପି ସୁମିତ ରେଡ୍ଡୀ ଓ ଅଶ୍ବିନୀ ପୋନାପ୍ପା ୨୧-୯, ୨୧-୧୨ରେ ମହମ୍ମଦ ଇର୍ଫାନ ଓ ଘାଜାଲା ସିଦ୍ଦିକ୍ଙ୍କୁ ପରାସ୍ତ କରିଥିଲା। ପୁରୁଷ ଏକକରେ କିଦାମ୍ବି ଶ୍ରୀକାନ୍ତ ୨୧-୭ ଓ ୨୧-୧୨ରେ ମୁରାଦ ଅଲ୍ଲୀଙ୍କୁ, ମହିଳା ଏକକରେ ପିଭି ସିନ୍ଧୁ ମହୁର ସେହଜାଦ୍ଙ୍କୁ ୨୧-୭ ଓ ୨୧-୬ରେ ପରାସ୍ତ କରିଥିଲେ। ପୁରୁଷ ଯୁଗଳରେ ସାତ୍ତ୍ବିକ ସାଇରାଜ ରାଙ୍କିରେଡ୍ଡୀ-ଚିରାଗ ସେଟ୍ଟୀ ୨୧-୧୨, ୨୧-୯ରେ ମୁରାଦ ଅଲ୍ଲୀ-ମହମ୍ମଦ ଇର୍ଫାନଙ୍କୁ ଏବଂ ଶେଷ ମୁକାବିଲାରେ ମହିଳା ଯୁଗଳ ଯୋଡ଼ି ତ୍ରେସା ଜଲି-ଗାୟତ୍ରୀ ଗୋପୀଚାନ୍ଦ ୨୧-୪, ୨୧-୫ରେ ମହୁର ସେହଜାଦ୍-ଘାଜାଲା ସିଦ୍ଦିକ୍ଙ୍କୁ ପରାସ୍ତ କରି ବିଜୟ ବ୍ୟବଧାନକୁ ୫-୦ରେ ପହଞ୍ଚାଇଦେଇଥିଲେ।
ସୂଚନା ଯେ, ଗତ ରାଜ୍ୟଗୋଷ୍ଠୀ କ୍ରୀଡାରେ ଚମକ ଦେଖାଇ ଥିବା ଭାରତୀୟ ମହିଳା ତାରକା ପିଭି ସିନ୍ଧୁ ଓ ପୁରୁଷ ତାରକା କିଦାମ୍ବୀ ଶ୍ରୀକାନ୍ତ ସିଙ୍ଗଲ୍ସ ମ୍ୟାଚରେ ବିଜୟୀ ହୋଇଥିବା ବେଳେ ମିକ୍ସଡ ଡବଲ୍ସ ମୁକାବିଲାରେ ଭାରତୀୟ ଯୋଡି ପି ସୁମିତ ରେଡ୍ଡୀ ଓ ଅଶ୍ୱିନି ପୁନ୍ନପ୍ପାଙ୍କ ସଫଳତାକୁ ଆଧାର କରି ପାକିସ୍ତାନକୁ ପ୍ରଥମ ମ୍ୟାଚରେ ୩-୦ରେ ପରାସ୍ତ କରିଛି ଭାରତ ।
