ଯାତ୍ରୀବାହୀ ବସ୍ ଓ କ୍ରୁଜର ମଧ୍ୟରେ ଧକ୍କା : ୭ମୃତ, ଅଧିକାଂଶ ଯାତ୍ରୀ ଆହତ
ଚଣ୍ଡିଗଡ଼: ହରିୟାଣାର ଜିନ୍ଦ ଜେଲ୍ ରୋଡରେ ମର୍ମନ୍ତୁଦ ସଡ଼କ ଦୁର୍ଘଟଣା । ଗୋଟିଏ ଯାତ୍ରୀବାହୀ ବସ୍ ଓ କ୍ରୁଜର ମଧ୍ୟରେ ଧକ୍କା ହେବା ଫଳରେ ୭ଜଣଙ୍କ ମୃତ୍ୟୁ ହୋଇଛି । ଏହି ଭୟଙ୍କର ଦୁର୍ଘଟଣାରେ ଅଧିକାଂଶ ଯାତ୍ରୀ ଆହତ ହୋଇଛନ୍ତି । ଗୁରୁତରଙ୍କୁ ଉଦ୍ଧାର କରି ନିକଟସ୍ଥ ହସ୍ପିଟାଲରେ ଭର୍ତ୍ତି କରାଯାଇଛି । ଦୁର୍ଘଟଣା ସମୟରେ ବସରେ ୧୦ରୁ ୧୫ ବସିଥିଲେ ଏବଂ କ୍ରୁଜରରେ ୧୦ ଯାତ୍ରୀ ଥିଲେ ।
ପୋଲିସ ସୂଚନା ମୁତାବକ ହରିୟାଣାର ଭିଓ୍ବାନୀ ରୋଡ୍ ବିବିପୁର ଗାଁ ନିକଟରେ ଏହି ଦୁର୍ଘଟଣା ହୋଇଛି । ହରିୟାଣା ରୋଡଓ୍ବେଜ୍ ବସକୁ ଏକ କ୍ରୁଜର ଗାଡ଼ି ଅତିକ୍ରମ କରୁଥିବା ବେଳେ ଦୁଇ ଗାଡ଼ି ମଧ୍ୟରେ ଟକ୍କର ହୋଇଥିଲା । ଫଳରେ ବଡ଼ ଦୁର୍ଘଟଣା ଘଟିଛି । କ୍ରୁଜର ଗାଡ଼ି ବସ୍ ଭିତରେ ଫସିଯିବାରୁ ୭ଜଣଙ୍କ ମତ୍ୟୁ ହୋଇଥିବା ବେଳେ ୨୫ଜଣ ଗୁରୁତର ଭାବେ ଆହତ ହୋଇଛନ୍ତି । ମୃତକଙ୍କ ମଧ୍ୟରେ କିଛି ଛୋଟ ପିଲା ରହିଛନ୍ତି । ଦୁର୍ଘଟଣାସ୍ଥଳରେ ତୁରନ୍ତ ରେସକ୍ୟୁ ଟିମ୍ ପହଞ୍ଚି ଉଦ୍ଧାର କରିଛନ୍ତି । ଗୁରୁତରଙ୍କ ସ୍ଥାନୀୟ ହସ୍ପିଟାଲରେ ଭର୍ତ୍ତି କରାଯାଇଛି ।
