ଜାମୁଝୋରୀ ଗ୍ରାମରେ ସ୍ଵଚ୍ଛତା ସପ୍ତାହ ପାଳିତ
କନ୍ଧମାଳ: କନ୍ଧମାଳ ଜିଲା ଖଜୁରୀପଡ଼ା ବ୍ଲକ ଦୁତୀପଡ଼ା ପଞ୍ଚାୟତ ଅନ୍ତର୍ଗତ ଜାମୁଝୋରୀ ଗ୍ରାମରେ ଓଡ଼ିଶା ଜୀବିକା ସୁରକ୍ଷା ମିସନ ପକ୍ଷରୁ ସ୍ଵଚ୍ଛତା ସପ୍ତାହ ପାଳିତ ହୋଇଯାଇଛି । ଏହି କାର୍ଯ୍ୟକ୍ରମରେ ଦୁତିପଡ଼ା ଜୀବିକା ସୁରକ୍ଷା ମିଶନ ମୁଖ୍ୟ ଏବଂ ସମସ୍ତ ସ୍ଵୟଂ ସହାୟକ ଗୋଷ୍ଠୀର ସଭାପତି, ସମ୍ପାଦକ, କୋଷାଧ୍ୟକ୍ଷ ଓ ସିଆରପି ରଜନୀ ବେହେରା, କୃଷି ମିତ୍ର ଚନ୍ଦ୍ରକଳା ଭୋଇ, ପୂର୍ବତନ ଆଶା କର୍ମୀ ପ୍ରିୟମ୍ବଦା ମଲ୍ଲିକ ଓ ସମିତି ସଭ୍ୟ ଶୁକଦେବ ବେହେରା ପ୍ରମୁଖ ଯୋଗଦେଇଥିଲେ । ସ୍ଵୟଂ ସହାୟକ ଗୋଷ୍ଠୀର ମହିଳାଙ୍କ ସହଯୋଗରେ ଗାଁ ଦାଣ୍ଡ ଓ ପୋଖରୀ ସଫା କରାଯାଇଥିଲା ।
ଏଥିସହିତ ଗ୍ରାମର ବିଭିନ୍ନ ସମସ୍ୟା ବିଷୟରେ ମଧ୍ୟ ଆଲୋଚନା ହୋଇଥିଲା । ଗ୍ରାମରେ ଆବର୍ଜନା କୁଣ୍ଡ ନିର୍ମାଣ ଏବଂ ରକ୍ଷଣାବେକ୍ଷଣ ଅଭାବରୁ ୪/୫ ହେବ ପୋଖରୀ ହୁଡ଼ା ଭାଙ୍ଗିଯାଇଥିବା ନେଇ ସମିତିସଭ୍ୟଙ୍କୁ ଅବଗତ କରିଥିଲେ ଗ୍ରାମବାସୀ ।
