ଚୌମୁଖ ପ୍ରିମିୟର ଲିଗ-୨୦୨୨ : ଲକ୍ଷ୍ମୀପ୍ରିୟା ଟ୍ରେଡରସ ଚମ୍ପିଆନ
ବାଲିଆପାଳ : ବାଲିଆପାଳ ବ୍ଲକ୍ ଚୌମୁଖ ପଞ୍ଚାୟତ ଅଧିନସ୍ଥ ଚୌମୁଖ ଗ୍ରାମରେ ରାଧାକୃଷ୍ଣ କ୍ରିକେଟ୍ କମିଟି ଆନୁକୂଲ୍ୟରେ ଚୌମୁଖ ପ୍ରିମିୟର୍ ଲିଗ୍-୨୦୨୨ ଉଦଯାପିତ ହୋଇଯାଇଛି । ଟୁର୍ଣ୍ଣାମେଣ୍ଟରେ କସ୍ତୁରୀ ଏଣ୍ଟରପ୍ରାଇଜେସ୍, ଲକ୍ଷ୍ମୀପ୍ରିୟା ଟ୍ରେଡରସ୍, ଦାସ ଏଣ୍ଟରପ୍ରାଇଜେସ୍, ରାଧାକୃଷ୍ଣ କ୍ରିକେଟ୍ ଟିମ୍ ଅଂଶଗ୍ରହଣ କରିଥିଲେ । ଉକ୍ତ ଟୁର୍ଣ୍ଣାମେଣ୍ଟରେ ୪ଟି ଟିମ ମଧ୍ୟରେ ପର୍ଯ୍ୟାୟକ୍ରମେ ଖେଳ ହୋଇ ଲକ୍ଷ୍ମୀପ୍ରିୟା ଟ୍ରେଡରସ୍ ଏବଂ କସ୍ତୁରୀ ଏଣ୍ଟରପ୍ରାଇଜେସ୍ ମଧ୍ୟରେ ଫାଇନାଲ ମ୍ୟାଚ୍ ଅନୁଷ୍ଠିତ ହୋଇଥିଲା । ପ୍ରଥମେ ବ୍ୟାଟିଂ କରି ଲକ୍ଷ୍ମୀପ୍ରିୟା ଟ୍ରେଡରସ୍ ୬ୱିକେଟ ହରାଇ ୯୭ ରନ୍ ସଂଗ୍ରହ କରିଥିଲା । ଜବାବରେ କସ୍ତୁରୀ ଏଣ୍ଟରପ୍ରାଇଜେସ ସମସ୍ତ ଓଭର ଶେଷ ସୁଦ୍ଧା ୬ ୱିକେଟ ହରାଇ ୯୦ ରନ ସଂଗ୍ରହ କରିପାରିଥିଲା । ଫଳରେ ଲକ୍ଷ୍ମୀପ୍ରିୟା ଟ୍ରେଡରସ କସ୍ତୁରୀ ଏଣ୍ଟରପ୍ରାଇଜେସକୁ ୭ରେ ପରାସ୍ତ କରି ଚମ୍ପିଆନ ହୋଇଥିଲା ।
ପ୍ରତିଯୋଗୀତାରେ ମୁଖ୍ୟଅତିଥି ଭାବେ ବିଜୁ ମହିଳା ଜନତା ଦଳ ରାଜ୍ୟ କାର୍ଯ୍ୟକାରିଣୀ ସଭାପତି ତଥା ନାରୀନେତ୍ରୀ ସୁବାସିନୀ ଜେନା ଯୋଗଦେଇ ଖେଳକୁ ଶୁଭାରମ୍ଭ କରିବା ସହିତ ଶେଷରେ ଅନୁଷ୍ଠିତ ଉଦଯାପନୀ ଉତ୍ସବରେ ଚମ୍ପିୟାନ ଟିମ୍କୁ ଟ୍ରଫି ପ୍ରଦାନ କରିଥିଲେ । କାର୍ଯ୍ୟକ୍ରମରେ ସୁଶାନ୍ତ ପାତ୍ର, ମନୋରଞ୍ଜନ ବେହେରା, ପ୍ରଦୀପ କର, ଅମୂଲ୍ୟ ବେହେରା, ବାଲିଆପାଳ ବ୍ଲକ୍ ବିଜେଡି ସଭାପତି ଗୋବିନ୍ଦ ପ୍ରସାଦ ଦାସ, ଜିଲା ପରିଷଦ ସଦସ୍ୟ ବେଣୁଧର ଜେନା, ନିଶାକର ସେଠୀ, ଜିଲା ଛାତ୍ର ସଭାପତି ସୀମନ ଦାସ ମହାପାତ୍ର, ବେତଗଡ଼ିଆ ପଞ୍ଚାୟତ ସରପଞ୍ଚଙ୍କ ପ୍ରତିନିଧି ସନ୍ତୋଷ ଗିରି, ରାମଚନ୍ଦ୍ର କର ପ୍ରମୁଖ ସମ୍ମାନ୍ନିତ ଅତିଥି ଭାବେ ଯୋଗଦେଇ ବକ୍ତବ୍ୟ ପ୍ରଦାନ କରିଥିଲେ ।
